Asociación Cultural Arumes do Corgo

III CARREIRA POPULAR "ARUMES DO CORGO"

2011-09-24T21:21:00.009+02:00

Despois do éxito das dúas primeiras edicións, o 22 de outubro de 2011 (sábado) celebrarase pola tarde, no concello do Corgo (en fronte do CEIP do Corgo) a terceira carreira popular pedestre "ARUMES DO CORGO".

- Limiar

- Servizos para os participantes

- Categorías

- Circuítos

- Premios

- Inscrición:

- Normas para os participantes

- Divulgación:

tríptico

V CERTAME LITERARIO "TERRAS DE CHAMOSO"

2011-09-24T21:18:00.001+02:00

Por quinto ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autores que expresen no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego. As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos).
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo).
5. Prazo: o prazo de entrega rematará o día 23 de novembro de 2011.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 17 de decembro de 2011 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario chamar ao número de teléfono: 626739390.

NON TE RETIRES, VOLTA A XOGAR

2011-09-24T21:11:00.002+02:00

O programa "Non te retires, volta a xogar", está pensado para que as persoas da terceira idade do Corgo manteñan unha boa condición física. Está organizado pola Vicepresidencia Primeira da deputación de Lugo e a Fundación Balogal coa colaboración da Asociación Cultural Arumes do Corgo.

Dende a A.C. Arumes do Corgo dámoslle unha importancia máxima aos nosos maiores. Encontrámonos cunha sociedade onde cada vez a esperanza de vida e maior e polo tanto este grupo de poboación medra ano a ano. Cun prantexamento inicial de dúas sesións semanais, dunha hora cada unha, buscaremos a mellora na calidade de vida dos participantes, a través de incidir nalgunhas das capacidades condicionais básicas:

- Flexibilidade: desglosada en mobilidade articular e elasticidade.

- Resistencia: non entendida na súa vertente de rendemento, senon nunha mellora da capacidade aeróbica de base, mediante un exercicio de baixa intensidade pero sostido no tempo.

- Forza: de novo pensada e enfocada a mellora da calidade de vida diaria. Un fortalecemento e tonificación da musculatura mais precisa no día a día, así coma a faixa lumbo-abdominal, e sempre deixando unha porta aberta as individualidades.

A maiores destas capacidades condicionais, os exercicios e o mesmo deseño das sesións queren maximizar o traballo cognitivo dos participantes así como a interactuación entre eles. Estes dous apartados son de igual importancia que os anteriores posto que nesta franxa de idade é cando aparecen nunha maior porcentaxe as problemáticas nos apartados cognitivos. Do mesmo xeito, pola distribución espacial dun concello coma o noso, creemos que é positivo favorecer as xuntanzas ao mesmo tempo que se fagan dunha maneira que potencie a intreractuación cos demais.

Os lugares onde se vai a executar o programa son:

- Antiga escola de Adai (non no centro sociocultural).

- Local social de Cela.

Inicialmente partiremos cun grupo en cada lugar (se hai un mínimo número de interesados) pero se a demanda é grande, poderíanse facer varios grupos en cada un dos locais anteriores.

O programa é totalmente gratuíto e durará 6 meses. Para anotarse ou solicitar máis información chamar ao 699170169 (Chelo).

CURSO E EXPOSICIÓN DE MICOLOXÍA

2011-09-24T20:22:00.003+02:00

Chega o outono e os fungos comezan a aperecer no noso concello. Ademais de ser un bo complemento para a economía familiar, os fungos protagonizan ou acompañan os máis saborosos platos culinarios.

É por iso que dende a Asociación Cultural Arumes do Corgo organizamos un curso (teoría, saída ao monte, obradoiro de cociña...) e unha exposición de cogumelos, os días 29 (pola mañá e pola tarde) e 30 (só pola mañá) de outubro. O prezo do curso é de 10 € para os non socios e totalmente gratuíto para os socios de Arumes. O número de prazas é limitado a 20, por rigorosa orde de inscrición e tendo preferencia os socios. Para realizar a inscrición ou para ter información do programa (estará colgado na páxina web), chamar ao teléfono: 699170170 (Quique).

CLUB DE LECTURA: ENCONTRO CON ANTONIO REIGOSA

2011-09-24T20:17:00.002+02:00

Como xa se comunicou con anterioridade, o autor escollido para esta quinta edición do club de lectura é o lucense Antonio Reigosa co libro “Memorias dun raposo” da Ed. Galaxia (144 pax., prezo: 9 €). Aínda temos pendente o encontro co autor, que se celebrará o venres, 30 de setembro, ás 20:15 h (xusto despois da Asemblea Xeral Extraordinaria), na antiga escola de Gomeán. O encontro co autor é unha oportunidade de ouro para saber máis do libro escollido e da biografía, interactuando co autor nun ambiente de proximidade único. Anímate a participar!

"PALIMOCO TEATRO" NO CORGO

2011-07-15T06:24:00.003+02:00

A A.C. Arumes do Corgo, o Centro de Estudos do Corgo (CEC) e a Área de Cultura e Turismo da deputación de Lugo organizan dúas actuacións do grupo "Palimoco Teatro" no concello do Corgo.

A actuación titulada "Queres que cho conte?" (integrada no proxecto "Cultura sobre rodas") é unha actividade interdisciplinar de gran calidade, na que se mestura dinamicamente a literatura oral, o teatro, a danza e a música, cun obxectivo común, achegar os contos tradicionais das nosas terras ao público infantil, dun xeito entretido e divertido.

O CORGO

- Lugar: Centro Sociocultural

- Data: mércores, 20 de xullo de 2011

- Hora: 11:30 h

CELA

- Lugar: Ponte de Neira (se o tempo é bo) ou Local Social de Cela (se o tempo non é tan bo)

- Data: xoves, 21 de xullo de 2011

- Hora: 19:30 h

EXCURSIÓN AO SALNÉS

2011-07-15T06:20:00.003+02:00

Domingo, día 10 de xullo de 2011

PROGRAMA:

9:00 h Saída do autobús dende o Centro Sociocultural do Corgo.

11:30 h Parada en Cambados.

13:30 h Xantar en Meis na “XXI Festa dos Callos do Mosteiro”.

17:00 h Saída para a Illa de Arousa con parada opcional na zona das praias ou na vila.

20:00 h Regreso.

22:30 h Chegada (aproximada) ao Corgo (Centro Sociocultural).

CUSTO:

15 € (inclúe autobús, unha ración de callos e unha cunca e cazola de barro).

RESERVA:

Aqueles interesados en participar na viaxe teñen que chamar antes do martes, día 5 de xullo de 2011 pola tarde ao móbil: 616796467 ou 699170169.

PRESENTACIÓN DO LIBRO RECOMPILATORIO "TERRAS DE CHAMOSO"

2011-06-10T10:39:00.003+02:00

O xoves, día 9 de xuño de 2011, ás 21:00 h no Centro Sociocultural do Corgo, a Asociación Cultural Arumes do Corgo presentou o libro recompilatorio das tres primeiras edicións do Certame Literario “Terras de Chamoso”.

O programa do acto foi:

21:00 h Apertura do acto coa intervención de D. Xurxo Xosé Rodríguez Lozano, presidente da A.C. Arumes do Corgo, que presentou os fins e as actividades da entidade organizadora.
21:15 h Intervención de D. Mario Outeiro Iglesias, secretario da A.C. Arumes do Corgo, que fixo un repaso histórico do Certame Literario Terras de Chamoso: bases, participación, xurado...
21:30 h Recital de poesía a cargo de gañadores e xurado do Certame Literario Terras de Chamoso.
21:45 h Peche do acto.

Agasallouse cun exemplar a todos os asistentes.

PRESENTACIÓN DA CORGA Nº 2 EN SARGADELOS

2011-06-07T09:33:00.005+02:00

O día 6 de xuño presentouse na Galería Sargadelos de Lugo, ás 20:00 h o número 2 da revista Corga do Centro de Estudos do Corgo.

A orde de intervencións foi a seguinte:

Mª Consuelo Vázquez Castro (presidenta do CEC): "Apertura do acto e presentación dos fins e actividades do Centro de Estudos do Corgo".
Roberto Rodríguez Páramo (secretario do CEC): "A revista Corga".
Javier Gómez Vila (socio do CEC): "O Camiño Real de acceso a Galicia e a súa pegada nas Terras do Corgo".

ENCONTRO DE ASOCIACIÓNS

2011-05-27T23:39:00.002+02:00

O sábado, día 18 de xuño de 2011, celebrarase o IV encontro de asociacións culturais galegas no que participan A.C. de Amigos do Patrimonio de Castroverde, A.C. Arcas de Sarria, Agrupación Instructiva de Redes-Caamouco, exercendo a A.C. Arumes do Corgo de entidade anfitriona. O programa da xornada é o seguinte:

8:45 h Saída do autobús da A.C. Arumes do Corgo dende o campo da feira de Adai.

9:15 h Recepción das asociacións participantes no aparcadoiro da Casa Grande de Nadela.

9:30 h Comezo da ruta de sendeirismo de 12 km pola ribeira do Río Miño sendo os puntos de maior interese os seguintes: Insua de Burneiros e caneiro para a pesca, desembocadura do río Chamoso, ponte e muíño da Foz, muíño e fraga da Fervenza e desembocadura do río Neira. Comentarios explicativos a pé de ruta.

14:00 h Visita á Ponte de Neira.

14:30 h Xantar de confraternización no local social de Cela: polbo á feira, churrasco de tenreira, bebida, postre e café. Prezo aproximado: 17 €.

16:30 h Visita aos monumentos máis senlleiros do Corgo: O Castrillón, Casas Grandes do Corgo e Adai.

18:00 h Actuación de Cándido Pazó co espectáculo “Cunqueiradas”.

19:00 h Actuación de música e baile tradicional a cargo da A.C. A Legua Dereita.

19:30 h Despedida.

Se está interesado en participar na xornada chame ao 626739390 antes do día 13 de xuño.

PRESENTACIÓN DO LIBRO RECOMPILATORIO "TERRAS DE CHAMOSO"

2011-05-27T23:32:00.005+02:00

Presentación do libro recompilatorio das tres primeiras edicións do Certame Literario “Terras de Chamoso” o xoves, día 9 de xuño de 2011, ás 21:00 h no Centro Sociocultural do Corgo. Agasallaremos cun exemplar a todos os asistentes.

PRESENTACIÓN DO 2º NÚMERO DA REVISTA CORGA

2011-05-27T23:30:00.001+02:00

O luns, día 6 de xuño de 2011, o Centro de Estudos do Corgo (CEC), en colaboración coa A.C. Arumes do Corgo, realizará a presentación do número 2 da revista Corga na Galería Sargadelos de Lugo (sita na praza de Santo Domingo nº 4) ás 20:00 h. Animámoste a asistir así como que convides aos teus achegados.

V LIBRO DO CLUB DE LECTURA

2011-05-27T23:25:00.002+02:00

O autor escollido para esta quinta edición do club de lectura é o lucense Antonio Reigosa co libro “Memorias dun raposo” da Ed. Galaxia (144 pax., prezo: 9 €).

Os socios interesados poden adquirilo eles mesmos nas librarías, encargalos mediante a asociación ou pedilos prestados da biblioteca (ambalas dúas cousas no teléfono 626739390).

O encontro co autor levarase a cabo a finais do verán nunha data por concretar.

COÑECEMOS O CORGO IV

2011-03-30T00:25:00.001+02:00

O sábado, 16 de abril de 2011, celebrarase o cuarto ciclo de conferencias arredor do concello do Corgo no Centro Sociocultural do Corgo ás 20:00 h. Nesta ocasión os relatorios serán:

Xosé Manuel CASTRO CASTEDO: “O galego en Queizán. Vocalismo, consonantismo e fonética sintáctica”.
Jesús ABUÍN ARIAS e Josefa GONZÁLEZ DÍAZ: “O pazo do corgo”.
José Luis GARROSA GUDE: “O traballo compilador de Francisco Vázquez Saco: as oracións de elaboración do pan e outras tradicións orais do Corgo”.
Mario OUTEIRO IGLESIAS: “Recollida do patrimonio inmaterial no Corgo: unha materia pendente”.

COÑECEMOS O CORGO III

2011-03-20T16:36:00.002+01:00

O sábado, 2 de abril de 2011, o Centro de Estudos do Corgo coa colaboración de Arumes, organiza o terceiro ciclo de conferencias arredor do concello do Corgo no Centro Sociocultural do Corgo ás 20:00 h. En quendas de 15-20 minutos os temas a tratar son:

Javier GÓMEZ VILA: “O camiño real de acceso a Galicia e a súa pegada nas Terras do Corgo”.
Juan ORTIZ SANZ e Miguel Ángel PIÑEIRO GÓMEZ: “Catalogación de construcións rurais tradicionais. Os hórreos no concello do Corgo”.
José Manuel BLANCO PRADO: “O santuario da Virxe das Virtudes (Pedrafita)”.

Con esta exposición, e todo o traballo previo, os relatores poderán acadar a condición de Socio Numerario do Centro de Estudos do Corgo.

Ver páxina web do Centro de Estudos do Corgo.

ENCONTRO CON PACO MARTÍN

2011-03-20T16:18:00.003+01:00

O venres, 18 de marzo de 2011, celebrouse no centro sociocultural do Corgo, ás 22:00 h, o encontro co escritor Paco Martín, autor de "Das cousas de Ramón Lamote" e "Das novas cousas de Ramón Lamote". O IV encontro co autor do Club de lectura da A.C. Arumes do Corgo desenvolveuse con gran éxito de asistencia (preto dunha trintena de lectores).

A xornada, que dirixiu Roberto Rodríguez Páramo (vocal de Arumes), constou dunha presentación biográfica do autor, a presentación da obra elixida, unha pequena entrevista, para posteriormente abrir o acto aos asistentes que participaron masivamente con preguntas relativas á obra protagonizada por Ramón Lamote e á vida do Premio Nacional de Literatura, Paco Martín.

O encontro, que se demorou dúas horas, rematou coa sinatura de exemplares e a entrega dun agasallo de cerámica, realizada polo noso querido Lolo de Anseán.

CONCERTO DE SOLO VOCES

2011-03-20T16:05:00.004+01:00

O sábado, día 12 de marzo celebrouse na Igrexa Parroquial do Corgo un concerto de música coral a cargo de Solo Voces baixo o lema de "Dous séculos de música lucense". O acto, organizado pola A.C. Arumes do Corgo e baixo a colaboración económica da Vicepresidencia Primeira da Deputación de Lugo contou cunha importante participación veciñal, enchéndose a igrexa. Durante hora e media o grupo coral lucense interpretou pezas de músicos estreitamente vinculados coa nosa provincia como Xoán Montes, Pascual Veiga, J.A. Moreno Fuentes...

A continuación os asistentes puideron gozar duns pinchos no centro sociocultural.

CLUB DE LECTURA: ENCONTRO CO AUTOR DE "DAS COUSAS DE RAMÓN LAMOTE", PACO MARTÍN

2011-03-10T19:00:00.004+01:00

A Asociación Cultural Arumes do Corgo, despois do éxito dos tres primeiros libros do club de lectura:

"Limpeza de sangue" de Rubén Ruibal (Premio Álvaro Cunqueiro no 2005 e Nacional de Literatura no 2007): agosto de 2009.
"Cando petan na porta pola noite" de Xabier P. Docampo (Premio Nacional de Literatura no 1995): decembro de 2009.
"Ás de bolboreta" de Rosa Aneiros (Premio Fundación Caixa Galicia no 2009 e The Withe Ravens no 2010): xuño de 2010.

afronta con gran ilusión esta cuarta etapa do mesmo. Nesta ocasión o libro escollido é "Das cousas de Ramón Lamote" (1985) do lucense Paco Martín co que obtivo o Premio Nacional de literatura infantil en 1986 e unha mención na lista de The Withe Ravens. Dun xeito opcional os socios tamén teñen a oportunidade de ler e comentar o libro "Das novas cousas de Ramón Lamote" (2010), por ser unha continuación do primeiro.

O Club de lectura de Arumes comezou a funcionar a comezos de 2009 coa intención de dar lectura a un libro cada semestre (e así fomentar o consumo de literatura galega entre a poboación do Corgo e dos concellos limítrofes). A Asociación posúe un servizo de préstamo bibliotecario para os socios interesados e o encontro coa autor levarase a cabo o VENRES, 18 DE MARZO DE 2011, no Centro Sociocultural do Corgo ás 20:00 h. Ese día todas as persoas interesadas terán a oportunidade de coñecer a faceta máis persoal e profesional de Paco Martín.

Nacido en Recatelo (Lugo) no 1940, Paco Martín exerceu de mestre de educación primaria durante catro décadas ata a súa xubilación no 2000. Do que nunca se retirou foi do mundo das letras converténdose nun dos máis grandes escritores da literatura infantil e xuvenil galega. Paco Martín tamén destacou no mundo da etnografía con diversas publicacións, así como a súa faceta de columnista en varios xornais galegos. Recibiu tamén os premios "O Barco de Vapor" no 1984 e o "Puro Cora" de xornalismo no 1994.

XANTAR DE ENTROIDO

2011-03-10T18:56:00.003+01:00

O sábado, 5 de marzo de 2011, a Asociación Cultural Arumes do Corgo celebrou o típico cocido de entroido no restaurante Madrid do Corgo. Preto de 40 persoas (socios e achegados) puideron degustar os manxares típicos de entroido butelo, cachola, grelos, chourizo... e por suposto as orellas do porco e as orellas doces de sobremesa.

ASEMBLEA XERAL ORDINARIA

2011-03-10T18:20:00.003+01:00

O sábado, 5 de marzo de 2011, ás 12:30 h celebrouse na antiga escola de Gomeán a Asemblea Xeral Ordinaria da A.C. Arumes do Corgo. A orde do día foi a seguinte:

Lectura da acta da Asemblea Xeral anterior e aprobación, se procede.
Memoria de actividades do ano 2010.
Informe do tesoureiro e aprobación das contas do ano 2010.
Proposta, aberta, de actividades para o ano 2011.
Orzamento para o ano 2011.
Altas e baixas de socios/as.
Comunicados, rogos e preguntas.

CONCERTO DO GRUPO VOCAL “SOLO VOCES”

2011-03-10T00:20:00.004+01:00

A Asociación Cultural Arumes do Corgo organiza para o vindeiro sábado, 12 de marzo de 2011, na Igrexa Parroquial de San Xoán do Corgo, ás 20:00 h o concerto do grupo vocal lucense “Solo Voces” co título de “Dous séculos de música lucense”. Baixo a dirección de Fernando G. Jácome e co apoio económico da Vicepresidencia Primeira da Deputación de Lugo, a coral lucense interpretará pezas de Xoán Montes, Pascual Veiga, J.A. Moreno Fuentes entre outros (ver díptico). O CONCERTO É GRATUÍTO E ABERTO A TODO O PÚBLICO INTERESADO.

Preme aquí para ver o programa

Prema aquí para ver unha imaxe de situación da igrexa do Corgo

MIRADAS. "REALIDADES, EXPRESIÓNS, TRAMAS"

2011-01-08T15:35:00.002+01:00

Dá comezo a terceira mostra do proxecto expositivo ‘Miradas’ na cidade lucense, baixo o título “Realidades, expresións, tramas”. A destacada comisaria Iria Candela proponnos unha nova mirada á arte galega contemporánea que se inclúe nos fondos da Colección Caixa Galicia, revisando con ela unha ampla escolma de obras das tres últimas décadas, imprescindibles na devandita colección e no eido da arte galega. Artistas xenuínos do noso territorio reúnense na mostra que a Asociación Cultural Arumes do Corgo visitará con guía o martes, 11 de xaneiro de 2011, no Centro Sociocultural Fundación Caixa Galicia de Lugo (fondo da praza maior), ás 20:00 h da noite.

CONTAMOS CONTIGO! SÓ TES QUE ESTAR ANTES DAS 20:00 H DIANTE DA PORTA PRINCIPAL DO EDIFICIO DA FUNDACIÓN CAIXA GALICIA DO FONDO DA PRAZA MAIOR!

FELIZ 2011

2010-12-27T13:14:00.002+01:00

ENTREGA DE PREMIOS DA IV EDICIÓN DO CERTAME LITERARIO TERRAS DE CHAMOSO

2010-12-13T20:07:00.006+01:00

O martes, día 14 de decembro de 2010 o Xurado da IV edición resolveu os premios do Certame Literario Terras de Chamoso. Para ver a acta do xurado (onde están os gañadores) prema no seguinte enlace:

- Ver acta.

O sábado, 18 de decembro de 2010, celebrarase no Centro Sociocultural do Corgo, ás 21:00 h, o acto de entrega de premios da IV edición do Certame Literario Terras de Chamoso co seguinte programa:

- Apertura musical a cargo da A.C. A Legua Dereita.

- Entrega de premios do certame literario.

- Recital das poesías gañadoras.

- Espectáculo de música tradicional a cargo de Saltanocribo.

Se non sabes como chegar ao Centro Sociocultural preme no seguinte enlace:

- Ver mapa.

CONTAMOS CONTIGO NESTA FESTA DAS LETRAS!

COLABORA: VICEPRESIDENCIA PRIMEIRA DA DEPUTACIÓN DE LUGO

OBRADOIRO DE RECICLAXE RESPONSABLE

2010-11-09T17:02:00.003+01:00

O sábado, día 13 de novembro de 2010, de 11:00 h a 13:00 h celebrarase un "Obradoiro de reciclaxe: o consumo responsable" no Centro Sociocultural do Corgo, organizado por:

Arumes do Corgo
A Cova da Terra
ANPA do Corgo

coa colaboración de:

Vicepresidencia Primeira da Deputación de Lugo
Concello do Corgo

HOMENAXE A UXÍO NOVONEYRA E FIZ VERGARA VILARIÑO

2010-11-08T15:05:00.003+01:00

DIARIO DE VIAXE: DOMINGO, 7 DE NOVEMBRO DE 2010

Saída da Área de servizo Gomeán Express ás 8:30 h.
Chegada a Seoane do Courel ás 10:30 h, despois de facer unha parada breve no Cebreiro.
O autocar deixounos na saída de Seoane pola estrada de Folgoso para empezar o percorrido a pé ata Parada (pobo de Uxío Novneyra). Fixemos unha breve visita á casa do poeta cunha lectura da biografía e dalgún poema. Fixemos a volta por un camiño que arrodea o pobo por uns fermosos soutos de castiros ata a estrada principal (parte do percorrido fíxose polo mesmo sitio ida e volta). O camiño de ida presentou certa pendente, asumible para calquera persoa. O total do percorrido foron uns 7,5 km. No punto onde nos deixou e recolleu o autocar puidemos visitar os arredores dunha antiga ferraría (atópase pechada para as visitas), e parte do grupo puideron subir andando ata Seoane por un camiño que comunica esta ferraría coa vila.

Ás 13:30-14:00 h xantar en Seoane no restaurante Anduriña.

Pola tarde saimos dirección ao Incio pola estrada de Seoane a Samos, desviándonos por Ponte de Loúzara ata Santalla (pobo de Fiz Vergara Vilariño, onde fixemos unha pequena parada para ver a casa e a Fonte da Cova). Despois seguimos cara a Ferrería do Incio (antiga hospedería e balneario en reconstrución), chegamos a Hospital (visita da igrexa) e rematamos no Incio para o regreso ao punto de saída.

CURSO DE INICIACIÓN AO DEPORTE DE ORIENTACIÓN E PASEO ORIENTADO

2010-11-08T14:37:00.007+01:00

No mes de outubro celebrouse no concello do Corgo, organizado pola A.C. Arumes do Corgo coa colaboración económica da Consellaría de Traballo e Benestar (Programa Iniciativa Xove), un "curso de iniciación ao deporte de orientación" no que participaron preto de 20 persoas.

Clase de teoría no Centro Sociocultural

Unha vez rematado o curso, a A.C. Arumes do Corgo no mesmo programa, organizou un paseo orientado pola parroquia do Corgo (Guimarás, A Lagoa, Igrexa, Pazo...) o sábado, 30 de outubro de 2010, no que pese as inclemencias atmosféricas un grupo de persoas de todas as idades animouse a demostrar os coñecementos adquiridos no curso.

Paseo orientado polo Corgo

IV CERTAME LITERARIO "TERRAS DE CHAMOSO"

2010-10-15T11:42:00.003+02:00

Por cuarto ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autores que expresen no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego. As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos).
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo).
5. Prazo: o prazo de entrega rematará o día 26 de novembro de 2010.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 18 de decembro de 2010 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario chamar ao número de teléfono: 626739390.

ANIMÁDEVOS A PARTICIPAR, A NOSA LINGUA BEN MERECE UN ESFORZO!

CURSO DE INICIACIÓN AO DEPORTE DE ORIENTACIÓN

2010-10-07T15:21:00.002+02:00

A Asociación Cultural Arumes do Corgo coa colaboración da Dirección Xeral de Xuventude e Voluntariado organiza un curso de iniciación ao deporte de orientación para realizar no mes de outubro de 2010.

A inscrición será gratuíta para todos os socios da Asociación Cultural Arumes do Corgo e do Club de Atletismo Arumes-Área 10 E CUSTARÁ 10 € ao resto de persoas interesadas, e terá que realizarse antes do día 13 de outubro (primeira clase) poñéndose en contacto co seguinte teléfono: 626739390.

PROGRAMA (prema aquí para baixar o programa do curso)

ORGANIZA: A.C. ARUMES DO CORGO
COLABORA: DIRECCIÓN XERAL DE XUVENTUDE E VOLUNTARIADO

V XORNADAS SOBRE PATRIMONIO: REGRESO AO MUNDO CASTREXO

2010-08-27T14:09:00.005+02:00

Outro ano máis, e xa van cinco, a A.C. Arumes do Corgo celebra outra edición das Xornadas sobre Patrimonio, centradas esta vez na CULTURA CASTREXA. A xornada que conta coa colaboración económica da Vicepresidencia Primeira da Deputación de Lugo, celébranse os sábados, 28 de agosto e 11 de setembro de 2010 co seguinte programa:

SÁBADO, DÍA 28 DE AGOSTO DE 2010

MAÑÁ:

Ruta dos castros miñotos (circular):

• Saída: Igrexa de San Cosme de Manán ás 9:30 h

• Chegada (aproximada): Igrexa de San Cosme de Manán ás 13:00 h

• Lonxitude: 10,5 km

• Dificultade: media

• Percorrido: Igrexa de Manán-Rego-Vilanova-Pousada-Chamoso-Muíño da Areosa-San Fiz de Paradela-Igrexa de Manán.

SÁBADO, DÍA 11 DE SETEMBRO DE 2010

MAÑÁ:

Ruta dos castros altos (circular):

• Saída: Igrexa de Santalla do Alto ás 9:30 h (para quen non saiba do sitio, quedamos ás 9:15 h no campo da feira de Gomeán)

• Chegada (aproximada): Igrexa de Santalla do Alto ás 13:15 h

• Lonxitude: 11,5 km

• Dificultade: media

• Percorrido: Airexe-Fonteboa-Monte de San Agustín-Vilanova-Vilar-Golás-Vilar-Santalla-Casanova-Vigo-Airexe.

TARDE:

Tarde de cultura e lecer (escola vella de Gomeán e campo da feira):

17:30 h “A Cultura Castrexa en Lugo”, a cargo de Felipe Arias Vilas.

18:30 h Táboa redonda: “Patrimonio arqueolóxico: os problemas da conservación, valorización turística e compatibilidade cos usos agrarios”.

19:00 h “Actuación de música e bailes galegos”, a cargo da A. C. Legua Dereita do Corgo.

Entregarase un libriño con información das rutas de sendeirismo a tod@s @s participantes nas V Xornadas sobre patrimonio.

II CARREIRA POPULAR "ARUMES DO CORGO"

2010-06-13T09:54:00.010+02:00

Despois do éxito da primeira edición, o 22 de agosto de 2010 (domingo) celebrouse pola mañá no concello do Corgo (en fronte do CEIP do Corgo) a segunda carreira popular pedestre "ARUMES DO CORGO".- Limiar

- Servizos para os participantes

- Categorías

- Circuítos

- Premios

- Inscrición:

- Normas para os participantes

- Divulgación:

tríptico

- Gañadores

- Resultados da carreira absoluta

A XUNTA DIRECTIVA DA ASOCIACIÓN CULTURAL ARUMES DO CORGO AGRADECE A TODOS OS PARTICIPANTES, ÁS PERSOAS COLABORADORES, ÁS INSTITUCIÓNS... O SEU APOIO PARA QUE A II CARREIRA POPULAR ARUMES DO CORGO RESULTARA UN ÉXITO. AGARDÁMOSVOS NA SEGUINTE EDICIÓN!!!

CLUB DE LECTURA: ENCONTRO COA AUTORA DE "ÁS DE BOLBORETA", ROSA ANEIROS

2010-06-13T09:51:00.001+02:00

A Asociación Cultural Arumes do Corgo, despois do éxito do primeiro e segundo libro do club de lectura, "Limpeza de sangue" de Rubén Ruibal (Premio Nacional de Literatura) e "Cando petan na porta pola noite" de Xabier P. Docampo(Premio Nacional de Literatura), cuxos encontros cos autores se levaron a cabo no mes de agosto e decembro (respectivamente) con gran afluencia de público, comeza con gran ilusión esta terceira etapa do mesmo. Nesta ocasión o libro escollido é "Ás de bolboreta" de Rosa Aneiros co que obtivo o Premio Fundación Caixa Galicia 2009 ao mellor título de literatura xuvenil e o Premio The Withe Ravens (Internationale Jugend Bibliothek) no ano 2010 (ver resumo anexo).

O Club de lectura de Arumes comezou a funcionar a comezos de 2009 coa intención de dar lectura a un libro cada semestre (e así fomentar o consumo de literatura galega entre a poboación do Corgo e dos concellos limítrofes). A Asociación posúe un servizo de préstamo bibliotecario para os socios interesados e o encontro coa autora levarase a cabo o VENRES, 18 DE XUÑO DE 2010, no Centro Sociocultural do Corgo ás 20:00 h. Ese día todas as persoas interesadas terán a oportunidade de coñecer a faceta máis persoal e profesional de Rosa Aneiros.

Nacida en Meirás (Valdoviño) no 1976, Rosa Aneiros é unha das escritoras galegas actuais máis prolíficas da literatura galega. No 2009 resultou gañadora co premio Xerais de novela pola obra "Sol de Inverno". Actualmente traballa como xornalista dixital no Consello da Cultura Galega e colabora con numerosos medios de comunicación tanto impresos como dixitais.

INAUGURACIÓN DA EXPOSICIÓN DE MANUEL FERNÁNDEZ LÓPEZ "LOLO DE ANSEÁN" NA DEPUTACIÓN DE LUGO

2010-06-13T09:48:00.003+02:00

O vindeiro, luns, 14 de xuño de 2010, ás 19:00 h, o noso compañeiro de asociación e membro da Xunta Directiva, Manuel Fernández López, "Lolo de Anseán", inaugura na Sala de Exposicións da Deputación de Lugo a exposición de cerámica "AS CORES DA TERRA, AS CORES DO CEO". É importante a túa asistencia polo interese da exposición e tamén para arroupar ao noso compañeiro e veciño nun día tan importante.

NACEMENTO DE CORGA

2010-06-13T09:45:00.001+02:00

O Centro de Estudos do Corgo (CEC) realizará a presentación do número 1 da revista Corga (revista de estudos científicos multidisciplinares de carácter anual sobre o concello do Corgo), o mércores, 2 de xuño de 2010, ás 20:00 h, na Sala que Sargadelos posúe na tenda de Santo Domingo.

O programa do mércores será o seguinte:
- "Apertura do acto" polo Vicepresidente Primeiro da Deputación de Lugo, Antón Bao Abelleira.
- "Presentación do Centro de Estudos do Corgo" pola presidenta do CEC, Mª Consuelo Vázquez Castro.
- "Presentación da revista Corga e en concreto da edición número 1" polo secretario do CEC, Roberto Rodríguez Páramo.
- "Estudo das Sepulturas Antropoides Altomedievais" (primeiro artigo da revista e do CEC) a cargo de Mario Outeiro Iglesias (vocal nº 1 do CEC).

Os artigos da revista foron presentados ao público corgués en dúas xornadas (de carácter aberto e gratuíto) de abril no Centro Sociocultural do Corgo cunha asistencia de público alta.

A revista do CEC (ver arquivo adxunto) foi maquetada por Grafinco e ten como ISSN 2171-6013 e Depósito Legal LU 149-2010. O primeiro número sae cunha tiraxe de 1000 exemplares e conta coa colaboración económica da Vicepresidencia Primeira da Deputación de Lugo.

CONSELLO EDITORIAL (Xunta Directiva):
- Mª Consuelo Vázquez Castro (Presidenta)
- Manuel Fernández López (Vicepresidente)
- Roberto Rodríguez Páramo (Secretario)
- Josefa González Díaz (Tesoureira)
- Mario Outeiro Iglesias
- Xurxo Xosé Rodríguez Lozano
- Manuel Marqués Reija (Vocais)

COMITÉ CIENTÍFICO:
- Felipe Arias Vilas
- Javier Gómez Vila
- Xosé Manuel Castro Castedo
- Ruben Ruibal Armesto
- Ana Cabana Iglesia
- Emilio Carral Vilariño
- Daniel López Vispo
- Xoán Ramiro Cuba Rodríguez
- Antonio Reigosa Carreiras
- Xabier Bruña García
- Felipe-Senén López Gómez
- Manuel Lamas Castro
- Adolfo de Abel Vilela

ASESORÍA LINGUÍSTICA:
- Xabier Cordal Fustes

ASESORÍA TIC:
- Mario Outeiro Iglesias

ENCONTRO DE ASOCIACIÓNS

2010-06-13T09:38:00.003+02:00

No día de onte, sábado, 29 de maio, tivo lugar o encontro anual, das Asociacións; Agrupación Instrutiva Caamouco (Redes), Arumes do Corgo, Arcas de Sárria e Amigos do Patrimonio.

Este ano correspondíalle organizar o encontro destas asociacións a Arcas de Sárria, o encontro tivo lugar en Samos e, seguidamente, de camiño a Triacastela, visita ao pazo de Lusío, coa explicación, de Xaime Félix, a quen lle damos as grazas por todas as súas explicacións e preocupacións ao logo do día e, que non imos comentar aquí, simplemente aludir á importancia deste enclave, berce de matemáticos, entre outros, salientar ao matemático Vázquez Queipo.

Desde aquí a Triacastela, comenzando a visita pola igrexa de Santiago, foto de grupo frente ao monumento a Santiago e comenzo do camiño que, entre Triacastela e San Cristovo do Real vai paralelo á estrada de Pedrafita do Cebreiro a Palas de Rei, polo que nese primeiro treito houbo que camiñar en ringleira, pois é estrada moi transitada polos camións que van para a cementeira do Oural, e por numerosos peregrinos. Dicir que levamos á esquerda o río Sárria pasamos pola PENA PARTIDA e a PONTE DE ALMIRÓN para volver a cruzar o río na fermosa aldea de SAN CRISTOVO, e xa na marxe dereita do río seguiremos por unha corredoira ata perto do Muiño de RENCHE. Despois de subir unha pequena costa chegamos á igrexa de Santiago de Renche, seguen uns metros pola estrada, e collemos outra baixada cara o río , que se atravesa na Ponte de LASTRES. Pasamos por esta aldea e por zona de fermosos prados chegando ao lugar de FREITUXE REAL, e cruzando de novo o río na Ponte de San Martiño do Real, subida ata a estrada , que se atravesa por un paso soterraño, e polas cortiñas de fóra da "Chousura", deixando á dereita a alta cerca do Mosteiro, desde aquí temos unha fermosa vista do MOSTEIRO DE SAMOS, chegamos a Samos por Outeiro e o barrio do Fontao e, desde aquí visita a capela do ciprés, onde nos valeu para xuntarnos, explicación de Xaime Félix do nacemento deste enclave e da vila de Samos e, seguidamente, foto de grupo nas escaleiras do Mosteiro e xantar.

Logo de comer intercambio de agasallos entre as Asociacións e a seguir unhas palabras de Xurxo, presidente de Arumes, onde comentou que para o vindeiro ano, serán eles os que asumen a organización, tamén Cacabelos, da Asoc. Instrutiva de Caamouco fixo referencia ao centenario (case nada, cen anos) que esta agrupación vai celebrar.

Pola tarde, visita ao Mosteiro de Samos e ao Mosteiro da Madalena de Sárria, despedida aos de Caamouco (Redes) e, a seguir vista á zona vella e Malecón Sárria.

Comentar que mentres se realizaron estas visitas, unha representación de Arcas, Arumes e Amigos do Patrimonio subimos á Parroquia do Hospital do Cebreiro, onde se estaba a render unha Homenaxe ao Padre Mato, facendo a entrega duns agasallos, dirixíndolle unhas palabras con motivo da celebración dos seus 27 anos de cura na montaña. Non imos facer aquí referencia ao acto, porque non era o noso compromiso de hoxe, simplemte, sumarnos á Homenaxe que, por outra parte podemos ver hoxe referencia na prensa.

Saúde.

Manolo Muñiz (presidente da A.C. de Amigos do Patrimonio de Castroverde)

PRESENTACIÓN DE TRABALLOS PARA ADQUISICIÓN DA CONDICIÓN DE SOCIO/A NUMERARIO/A DO CEC

2010-06-13T09:36:00.000+02:00

O sábado, 17 de abril de 2010, ás 19:45 h no Centro Sociocultural do Corgo realizarase a presentación dos primeiros traballos de investigación co fin de acadar a condición de socio/a numerario/a. Cunha duración aproximada de 15-20 min, o programa de conferencias é o seguinte:

- Mario OUTEIRO IGLESIAS: Estudo das sepulturas antropoides altomedievais.
- Xosé Enrique CASANOVA SÁNCHEZ: Fórmulas de propiedade comunal dos montes do Corgo.
- Laura FOUZ BACARIZA: As cifras do concello do Corgo. Análise xeográfica.

A presentación de traballos continuará o seguinte sábado, 24 de abril de 2010, ás 19:45 h no Centro Sociocultural do Corgo. Os traballos a presentar son:

- Mº Beatriz PÁRAMO IGLESIAS e Roberto RODRÍGUEZ PÁRAMO: Jota tres estrellas.
- Javier GÓMEZ VILA: A vía romana no concello do Corgo.
- Rebeca FERNÁNDEZ ALONSO: Ánxel Fole e o concello do Corgo.
- Alejandra PITA PARDO: A microtoponimia do concello do Corgo.

IV XORNADAS DE OFICIOS ARTESANAIS: OS FERREIROS

2010-04-21T23:18:00.002+02:00

DÍAS: 24 E 25 DE ABRIL

LUGAR: CENTRO SOCIOCULTURAL DO CORGO

HORARIO: DAS 11:00 ÁS 14:00 H E DAS 17:00 ÁS 20:00 H

DEMOSTRACIÓN A CARGO DO RECOÑECIDO FERREIRO ALBERTO LEIS VEIGA (ÁMBOLOS DOUS DÍAS)

EXPOSICIÓN PERMANENTE (MATERIAIS, FERRAMENTAS, PANEIS, AUDIOVISUAIS...)

COLABORA: VICEPRESIDENCIA 1º DA DEPUTACIÓN DE LUGO

CURSO DE INICIACIÓN AO BAILE GALEGO

2010-02-17T23:00:00.003+01:00

O martes, 2 de marzo de 2010 comezaremos un curso de iniciación ao baile galego en colaboración coa A.C. A Legua Dereita. As clases desenvolveranse todos os martes de 21:00 h a 22:00 h cun prezo para socios da A.C. Arumes do Corgo e da A.C A Legua Dereita de 15 € ao mes e para os non socios de 20 €. A profesora do curso é a corguesa Laura Fouz Bacariza que tamén da aulas de baile en María Castaña de Lugo, Legua Dereita do Corgo, Abrente das Nogais... SE ESTÁS INTERESADO PONTE EN CONTACTO CON ARUMES NO TELÉFONO 626739390.

CLUB DE LECTURA

2010-02-17T22:53:00.003+01:00

O libro escollido para o club de lectura neste primeiro semestre de 2010 é “Ás de bolboreta” de Rosa Aneiros. Contamos facer o encontro coa autora cara o verán. Lembra que os socios poden pedir prestados libros da Biblioteca de Arumes.

ASEMBLEA XERAL ORDINARIA

2010-02-17T21:50:00.004+01:00

O sábado, 13 de febreiro de 2010, ás 12:00 h celebrouse no Centro sociocultural do concello a Asemblea Xeral Ordinaria da A.C. Arumes do Corgo. A orde do día foi a seguinte:

1. Lectura da acta da Asemblea Xeral anterior e aprobación, se procede.

2. Memoria de actividades da Asociación no último ano.

3. Informe do tesoureiro e aprobación das contas do ano 2009.

4. Orzamento para o ano 2010.

5. Proposta, aberta, de actividades para o ano 2010.

6. Fundación do Club de Atletismo Arumes-Área 10.

7. Altas e baixas de socios/as.

8. Comunicados, rogos e preguntas.

Ao rematar a Asemblea os socios que quixeron (arredor de 40) desfrutaron dun xantar típico de entroido no restaurante "Playa" do Corgo e os máis atrevidos disfrazaronse para correr o entroido por diversos puntos do concello.

PRESENTACIÓN DO LIBRO "EL MAESTRO DE ZAÍN"

2010-02-06T12:38:00.006+01:00

A Asociación ARUMES DO CORGO, dentro das súas actividades do ano 2009, presentou no Centro Sociocultural o libro de Mª Dolores Seijas Soto “O MESTRE DE ZAÍN”. A presentación estivo precedida por unha conferencia sobre Historia da Educación, a cargo de Xurxo Rodríguez Lozano (Presidente da A.C. ARUMES do Corgo e profesor de Lingua castelá e Lingua galega no CPI RAMÓN PIÑEIRO, de Láncara).

Con este acto, a Asociación quere homenaxear aos mestres galegos represaliados polo franquismo, representados na figura de Luis Soto Menor, protagonista do libro.

O conferenciante comenzou a charla coa seguinte presentación:

É unha enorme satisfacción para a Asociación Cultural Arumes do Corgo a presentación do libro “O mestre de Zaín”, de Mª Dolores Seijas Soto por varios motivos.

En primeiro lugar, porque é unha aportación máis para afondar no longo periodo de represión ao que se viron condenados moitos intelectuais e docentes despois da guerra civil, afrontada dende a perspectiva do paso dos anos, exenta de calquera tipo de revanchismo, pero firme no obxectivo de rescatar do anonimato ao que se viron condenadas as vidas de moitos deses intelectuais, como é, entre outras, a do seu avó LUIS SOTO MENOR.

En segundo lugar, porque Dolores forma parte da nosa Asociación e os estatutos de Arumes márcannos un camiño que é o de facer cultura e país. Polo tanto, é gratificante para nós que os nosos socios participen destes obxectivos. Resulta necesario abordar a nosa historia para aprender dela, poder seguir adiante e gañar o futuro.

En terceiro lugar, a min, como mestre, fillo dun mestre, tócame directamente na historia da miña profesión.

Por iso aceptei de bo grado a tarefa de presentar no Corgo este libro que me foi encomendada pola directiva da Asociación, que non é outra que aproveitar este acto para facer patente a nosa homenaxe particular a aqueles homes e mulleres que creron nunha renovación da educación para transformar a sociedade.

Moitos pagárono coa súa vida, outros co exilio ou co cárcere, e moitos outros, como Luis Soto, co seu fulminante cesamento e co esquecemento social.

Eu non son historiador, pero intentarei centrarme nalgúns momentos da nosa historia que foron importantes para a educación e, nomeadamente, no periodo do primeiro bienio republicano (1931-32) no que podemos encadrar unha importante parte do traballo do protagonista do libro.

Tamén será inevitable entrar no que veu despois de 1936.

Como remate, quero que sexa a autora do libro a que nos desvele por que sentiu a necesidade de escribilo e que foi descubrindo a medida que se centrou na investigación.

A continuación, deu unhas breves pinceladas sobre a educación anterior ao século XVIII para centrarse nos logros conseguidos neste século polas ideas da Ilustración e da Revolución Francesa (A educación como servizo público e os modelos liberal e xacobino).

Abordou despois a lexislación educativa a partir da Constitución de 1812, centrándose na Lei Moyano d 1857 e o intervencionismo eclesiástico na educación determinado polo Concordato de 1851.

Incidiu tamén no movemento pedagógico inspirado pola ESCOLA NOVA e A INSTITUCIÓN LIBRE DE ENSEÑANZA, destacando as figuras de Giner de los Ríos e Concepción Arenal, e establecendo unha comparación entre os principios que marcaban a Escola tradicional e os cambios aportados pola Escola Nova.

Pasou de seguido a analizar a situación do ensino a principios do século XX (Escolas da Igrexa, escolas do Estado, escolas de ferrado, fundacións de emigrantes e sociedades de instrucción pública).

A continuación, centrouse no modelo de Educación da República (1931), sinalando os logros conseguidos nesta época.

Sinalou que foi unha República de intelectuais na que conviviron persoas de diferentes xeracións (Ortega, Azaña, Machado, Lorca…) que consideraron a educación como unha cuestiónde Estado e que imprimiron un cambio radical de métodos no ensino e na formación dos mestres, verdadeiros artífices do cambio).

Sintetizou os principios deste modelo educativo que propugnaba Lorenzo Luzuriaga:

Escola única: Universal e reformada en extensión.
Escola activa: Reformas metodolóxicas e innovacións didácticas.
Escola pública: A cargo do Estado.
Escola laica : Á marxe da Igrexa.

Para o conferenciante, o modelo de profesor republicano segue a ser un referente en moitos aspectos na actualidade.

Neste contexto educativo republicano sitou a figura de LUIS SOTO MENOR, intelectual e profesional da educación que chegou a Lugo en 1914 como Inspector Xefe de E. Primaria. Frecuentou a tertulia doMéndez Núñez e foi articulista de xornáis e revistas pedagóxicas, onde asinaba como “o mestre de Zaín”, seudónimo que motivou o título do libro da súa neta Mª Dolores.

Como Inspector, organizou en Lugo varios Congresos pedagóxicos, con asistencia do propio Lorenzo Luzuriaga a un deles, organizou as Colonias Escolares, creou numerosas escolas na provincia e participo unas Misións pedagóxicas da República.

Era de afiliación política radical socialista, foi candidato a Deputado no ano 1933 e participou na redacción do Estatuto de Autonomía de Galiza.

O 31 de agosto de 1936 foi cesado fulminantemente do seu cargo. Pasou polo cárcere e sufriu penurias económicas que o obrigaron a desfacerse de moitas propiedades e mesmo a traballar como vendedor de membrillo e pimentón por distintos lugares da provincia.

Morreu en 1964 (uns meses antes foi restituido no seu cargo). A súa foi unha vida dura, separado do seu traballo e marcado socialmente durante moitos anos. Pero foi un home fiel ás súas ideas, ás que non renunciou nunca.

O Presidente de Arumes rematou a conferencia destacando os aspectos máis duros da represión franquista contra os mestres (encarcerados, exiliados, depurados, fusilados como Arximiro Rico, condenados ao exilio interior…) e facendo referencia ao famoso debuxo de Castelao (A derradeira lección do mestre).

Despois de comentar os aspectos máis significativos da escola da ditadura franquista pasoulle a palabra a Mª Dolores Seijas Soto, quen explicou as razóns que a levaron a escribir o libro, que resumiu na terrible inxustiza cometida co seu avó ao facerlle vivir unha vida apartada da súa profesión e a condena social a que se viu sometido. Con todo, lembrou o agradecemento de moitas persoas nos tempos difíciles a Luis Soto, coñecedores do traballo que tiña realizado pola educación na provincia.

Tamén explicou que polo libro pasan moitas anécdotas e personaxes lucenses da época.

A continuación, firmou exemplares do seu libro aos asistentes que o solicitaron.

ARUMES CONTRA O DECRETAZO DO GALEGO

2010-01-20T20:30:00.005+01:00

A Asociación Cultural Arumes do Corgo como entidade membro da Plataforma QUEREMOS GALEGO anima aos seus socios (alumnos/as, pais, nais e profesores/as) a participar na folga do 21 de xaneiro contra o famoso "Decretazo contra o galego".

Dende ARUMES subscribimos totalmente as actividades que está a levar adiante a plataforma QUEREMOS GALEGO ante a maior agresión recibida polo noso idioma na historia da Democracia e animamos aos socios a participar activamente nos actos que a devandita plataforma organice na defensa do máis prezado ben deste pais.

A XUNTA DIRECTIVA

RESOLUCIÓN DO CERTAME LITERARIO

2009-12-18T00:44:00.005+01:00

A día 17 de decembro fallaronse os premios da III edición do Certame Literario "Terras de Chamoso".

- Ver acta do xurado.

O día 26 de decembro (sábado) celebrarase o acto de entrega de premios ás 21:00 h no Centro Sociocultural do Corgo con música e baile galego a cargo da A.C. Legua Dereita do Corgo, recital das poesías gañadoras e espectáculo de contacontos a cargo de Santi Prego.

- Ver cartel.

Se non sabes como chegar ao Centro Sociocultural preme no seguinte enlace:

- Ver mapa.

CREACIÓN DO CLUB DE ATLETISMO ARUMES-AREA 10

2009-11-28T19:45:00.011+01:00

A Asociación Cultural Arumes do Corgo e a Escola Clube Área 10 van a colaborar nun novo proxecto deportivo para o concello do Corgo. Trátase como non, dun club de atletismo que nace baixo o paraugas da A. C. Arumes do Corgo, única entidade do concello que ata o de agora traballou no campo do atletismo coa organización da I Carreira Popular ARUMES do Corgo, e tamén da E. C. Área 10, unha asociación de recente creación que naceu no 2009 co fin de introducir as ganas polo deporte entre os nenos en período escolar sen esquecer a xente adulta. Un novo proxecto apaixoante que abre unha nova vía no campo deportivo do noso concello.

http://arumesarea10.blogspot.com/

arumesarea10@gmail.com

A XUNTA DIRECTIVA

ENTREGA DE PREMIOS DO III CERTAME LITERARIO “TERRAS DE CHAMOSO”

2009-11-28T19:26:00.002+01:00

Como xa sabedes (publicamos hai uns meses as bases do certame por correo), o venres, 27 de novembro de 2009, remata o prazo para entregar as obras ao III Certame literario “Terras de Chamoso” en calquera das súas categorías (infantil, xuvenil e adultos) e modalidades (poesía e relato curto). A partires dese momento os membros do xurado terán a difícil tarefa de escoller os premiados de entre unha agardada alta participación. O Certame Literario concluirá co acto de entrega de premios que será o sábado, 26 de decembro de 2009, ás 21:00 h no Centro Sociocultural do Corgo. Nel entregaranse os premios aos gañadores, haberá un recital poético e moitas, moitas sorpresas ao longo da noite. Contamos coa túa presenza!!!

HOMENAXE AOS PROFESORES REPRESALIADOS POLO FRANQUISMO. PRESENTACIÓN DO LIBRO “EL MAESTRO DE ZAÍN” DE DOLORES SEIJAS SOTO (SÁBADO, 19 DE DECEMBRO DE 20

2009-11-28T19:25:00.003+01:00

Os mestres de primaria e os profesores de secundaria xogaron sempre un papel moi importante como transmisores dos idearios da igualdade, da solidariedade, da paz… como engrenaxes vitais das nosas vidas. Dende a A.C. Arumes do Corgo parécenos moi importante o lavado da imaxe de moitos dos profesores que se opuxeron ao réxime e que se viron represaliados despois da Guerra Civil Española.

Nese contexto, faremos a presentación de “El maestro de Zaín”, homenaxe a unha das figuras máis importantes do magisterio lucense, Luis Soto Menor, que sufríu nas súas carnes a vinganza da posguerra. O acto de recuperación da memoria histórica e a presentación do libro levaranse a cabo no Centro Sociocultural do Corgo, ás 19:00 h.

CLUB DE LECTURA

2009-11-28T19:24:00.002+01:00

Dado o gran éxito do Club de lectura do primeiro semestre, a A.C. Arumes do Corgo enfronta con gran ilusión esta segunda edición. O libro escollido é “Cando petan na porta pola noite” de Xabier P. Docampo (Premio Nacional de Literatura Infantil). Se está interesado en participar póñase en contacto coa Asociación co fin de adquirir o libro ou empregar o servizo de préstamo da Asociación. O encontro co autor será o sábado, 12 de decembro de 2009 ás 19:00 h, no Centro Sociocultural do Corgo, co fin de que preguntedes ao autor todo o que vos pareza interesante tanto do libro, como da enorme obra literaria como da súa vida como literato.

EXCURSIÓN Á RIBEIRA SACRA, KM 0 (MARTES, 1 DE DECEMBRO DE 2009)

2009-11-28T19:23:00.003+01:00

Saída ás 9:15 h en fronte do Centro Sociocultural do Corgo. Visita ao Pazo de San Marcos (recepción no salón de actos da Deputación), obradoiro no Centro de Artesanía e Deseño e excursión pola Ribeira Sacra (adega, pequena ruta de sendeirismo...) onde realizaremos o xantar. Chegada aproximada ás 20:30 h. Existen 48 prazas que se cubrirán por orde de chegada tendo preferencia os socios ante os que non o sexan. AQUELES INTERESADOS EN PARTICIPAR TEÑEN QUE CHAMAR ANTES DO MARTES, 24 DE NOVEMBRO, PARA RESERVAR PRAZA.

ESTA ACTIVIDADE REALÍZASE CONXUNTAMENTE CO CENTRO DE ESTUDOS DO CORGO

http://ocorgo.blogspot.com

EXCURSIÓN Á RIBEIRA SACRA, KM 0 (MARTES, 1 DE DECEMBRO DE 2009)

2009-11-28T19:23:00.000+01:00

VISITA GUIADA Á EXPOSICIÓN “OS PINTORES DE ARTAL. PINTURA ESPAÑOLA DO MUSEO DA HABANA” (MÉRCORES, 25 DE NOVEMBRO DE 2009)

2009-11-28T19:21:00.001+01:00

Visita guiada da exposición pictórica na Fundación Caixa Galicia (no fondo da Praza Maior de Lugo). Punto de encontro, en fronte da porta principal ás 20:00 h. Duración aproximada, 40 min.

EXCURSIÓN A ALLARIZ-CELANOVA (SÁBADO, 7 DE NOVEMBRO DE 2009)

2009-11-28T19:20:00.001+01:00

Saída ás 7:45 h en fronte do IES A Nosa Señora dos Ollos Grandes (antigo feminino) e ás 8:00 h en fronte do Centro Sociocultural do Corgo. Visita guiada ao mosteiro de Celanova, paseo pola vila e xantar en Allariz, onde poderedes gozar da Feira de Outono e dos numerosos museos da vila ourensá. Prevese o regreso arredor das 22:00 h. O xantar inclúe pinchos de primeiro (empanada, tortilla...), carne (tenreira estofada con guarnición) ou peixe (salmón á plancha) a elixir de segundo, postre, viño da casa e café. Os socios só teñen que pagar 16 € (visita guiada e xantar), mentres que os non socios terán que pagar a maiores o equivalente da cota anual, é dicir, 10 € (ou facerse socios). Existen 55 prazas que se cubrirán por orde de chegada tendo preferencia os socios ante os que non o sexan. AQUELES INTERESADOS EN PARTICIPAR TEÑEN QUE CHAMAR ANTES DO MARTES, 3 DE NOVEMBRO, PARA RESERVAR PRAZA E ELIXIR O 2º PRATO (CARNE OU PEIXE).

III Certame Literario "Terras de Chamoso"

2009-09-23T00:48:00.002+02:00

Por terceiro ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autoras que expresan no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego.As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos).
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo).
5. Prazo: o prazo de entrega rematará o día 27 de novembro de 2009.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 26 de decembro de 2009 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario chamar ao número de teléfono: 626739390.

ANIMÁDEVOS A PARTICIPAR, A NOSA LINGUA BEN MERECE UN ESFORZO!

IV XORNADAS SOBRE PATRIMONIO: AS CASAS GRANDES DO CORGO

2009-08-28T12:05:00.003+02:00

A Asociación Cultural Arumes do Corgo convídate a participar nas "IV Xornadas sobre patrimonio", que nesta cuarta edición se centran nas casas grandes e pazos do concello do Corgo.

Este evento que todos os anos reúne á xente interesada no patrimonio do concello do Corgo e da contorna, celebrarase os días 5 e 6 de setembro cun programa do máis variado. As rutas de sendeirismo e os relatorios temáticos, xúntanse tamén coa música e baile tradicional da man da A.C. A Legua Dereita.

PROGRAMA

SÁBADO, DÍA 5 DE SETEMBRO DE 2009

MAÑÁ:

Ruta do Pazo do Corgo (circular):
· Saída: Casa do concello do Corgo ás 10:30 h
· Chegada (aproximada): Casa do concello do Corgo ás 13:00 h
· Lonxitude: 9 km
· Dificultade: moi baixa
· Percorrido: Casa do concello-Guimarás-A Lagoa-Santo André de Chamoso-Vilapene-Santo André de Chamoso-Sendín-O Recuio-Ferreiros-Casa do concello.

TARDE:

Relatorios (no centro sociocultural do Corgo):
17:30 h “As casas grandes do Corgo”, a cargo de Mario Outeiro Iglesias.
18:00 h “A Casa Grande de Quintela: presentación do libro”, a cargo de Isaac Rielo Carballo e Xosé Manuel Carballo Ferreiro.
18:45 h “O Pazo do Corgo”, entrevista a Jesús Abuín Arias.
19:30 h “Actuación de música e bailes galegos”, a cargo da A. C. Legua Dereita do Corgo.

DOMINGO, DÍA 6 DE SETEMBRO DE 2009

MAÑÁ:

Ruta da Casa Grande de Quintela (circular):
· Saída: Igrexa de S. Pedro de Farnadeiros ás 10:30 h
· Chegada (aproximada): Igrexa de S. Pedro de Farnadeiros ás 13:45 h
· Lonxitude: 12,5 km
· Dificultade: baixa-media
· Percorrido: Igrexa de S. Pedro-Coeses-Santalla de Quinte-Paseo do río Miño-Chamoso-Pousada-Vilanova-Quintela-Fompedriña-Outeiro-Vilar-Pacio-Pelamio-Fornos-Igrexa de S. Pedro.

A maiores editarase un libriño (arredor de 1000 exemplares) sobre as Casas Grandes do Corgo, que recolle, ademais de información xeral sobre o tema, todo o patrimonio a destacar nas proximidades das dúas rutas de sendeirismo que se realizarán nas xornadas.

Ver cartel do evento

COLABORA: VICEPRESIDENCIA 1º DA DEPUTACIÓN DE LUGO

I CARREIRA POPULAR "ARUMES DO CORGO"

2009-07-18T23:59:00.015+02:00

O pasado 23 de agosto de 2009 (domingo) celebrouse pola mañá no concello do Corgo (en fronte do CEIP do Corgo) a primeira carreira popular pedestre "ARUMES DO CORGO". Nela fíxoselle unha homenaxe a Julio Gude Trebolle, un dos mellores atletas lucenses de todos os tempos natural do Corgo.

- Limiar

- Servizos para os participantes

- Categorías

- Circuítos

- Premios

- Inscrición:

- Normas para os participantes

- Participantes inscritos (na categoría absoluta)

- Presentación ante os medios da carreira

- Resultados:

No blog podes ver algún comentario feito polos corredores participantes sobre a I Carreira Popular Arumes do Corgo. Se queres ver o foro sobre a carreira na páxina web de Correr en Galicia pincha aquí. ANÍMATE A CÓNTARNOS A TÚA EXPERIENCIA PARA INTENTAR MELLORAR AS VINDEIRAS EDICIÓNS!

CLUB DE LECTURA: ENCONTRO CO AUTOR

2009-07-18T23:53:00.004+02:00

O xoves, 27 agosto de 2009, ás 21:00 h no centro sociocultural do Corgo mantivemos o encontro co autor de "Limpeza de sangue" (Xerais): Rubén Ruibal. Despois dunha breve presentación (do autor e do libro) e entrevista persoal para coñecer mellor ao autor do primeiro libro do club de lectura, os asistentes tiveron a oportunidade de preguntar e comentar todas aquelas dúbidas, inquedanzas e sensacións que lles provocara o libro.

Rubén, socio da Asociación Cultural Arumes do Corgo, recibiu con esa obra o premio Álvaro Cunqueiro no ano 2005 e o Premio Nacional de Literatura Dramática no 2007.

III XORNADAS DE OFICIOS ARTESANAIS: A OLERÍA

2009-07-18T23:44:00.006+02:00

DATAS: 31 de xullo e 1 e 2 de agosto de 2009

LUGAR: Centro Sociocultural do Corgo

HORARIO: das 11:00 ás 14:00 h e das 17:00 ás 20:00 h

DEMOSTRACIÓN-OBRADOIRO DE OLERÍA

PEPA DE BONXE (sábado todo o día)
TOMÁS DE GUNDIVÓS (domingo todo o día)

EXPOSICIÓN PERMANENTE DE OLERÍA

RUTH MATILDA ANDERSON "UNHA MIRADA DE ANTANO

2009-07-18T23:37:00.002+02:00

A Fundación Caixa Galicia presenta a “Ruth Matilda Anderson. Unha Mirada de Antano”, mostra que, dende o 19 de xuño e ata o 13 de setembro, se exhibirá na súa Sede de Lugo.

Ruth Matilda Anderson, fotógrafa americana, estivo a percorrer Galicia nos anos 20, recompilando miles de imaxes acerca do modo de vida, costumes e paisaxes do país galego.

A Asociación Cultural Arumes do Corgo visitará o mércores, día 5 de agosto de 2009 ás 20:00 h a devandita exposición na Fundación Caixa Galicia (fondo da Praza Maior de Lugo). ANÍMATE A PARTICIPAR!

ACTIVIDADES DO MES DE MAIO

2009-05-16T13:54:00.002+02:00

A Asociación Cultural ARUMES do Corgo realizará as seguintes actividades no mes de maio de 2009:

- Sábado, 23 de maio: ruta de sendeirismo por Soutomerille (Castroverde). É un roteiro circular de aproximadamente 6-7 km de lonxitude. A saída será ás 10:30 h na rotonda de Paderne (situada na estrada Lugo-A Fonsagrada, a uns 14-15 Km dende Lugo). Organiza a Asociación de Amigos do Patrimonio de Castroverde coa colaboración doutras entidades (entre elas Arumes). NON É PRECISO CONFIRMACIÓN E POR SUPOSTO É GRATUITA (cada un desprázase ata o punto de saída no seu propio coche).

- Sábado, 30 de maio: ruta de sendeirismo por Redes (Ares). Realizarase unha ruta de sendeirismo de 15 km pola mañá. Despois haberá un xantar de confraternización e actividades lúdicas (paseo pola vila, concerto...). A saída prevese sobre as 7:00 h na área de servizo de Gomeán Express con paradas en fronte da casa sindical ás 7:20 h e na gasolineira de San Rafael ás 7:30 h. O autobús será, moi probablemente, compartido coa Asociación de Amigos de Patrimonio de Castroverde, polo que se prega puntualidade na saída. Organiza a Asociación Instrutiva de Caamouco (Redes) coa colaboración doutras entidades (entre elas Arumes). É PRECISO CONFIRMACIÓN DA ASISTENCIA ANTES DO DÍA 20 DE MAIO AO 626739390. CADA UN PAGARÁ O SEU XANTAR (calcúlase que será de 15 € aproximadamente) E PARA AXUDA DO PAGO DO AUTOBÚS OS NON SOCIOS PAGARÁN 10 € (os socios están exentos de pagar)*.

* En reunión de Xunta Directiva do martes, 12 de maio de 2009 decidiuse que para axuda dos custes de desprazamento os NON socios pagarán pola asistencia ás excursións o equivalente a unha cota anual, é dicir, 10 € (ao igual que se fai noutras Asociacións da contorna).

RUTA DE SENDEIRISMO POLO CAMIÑO REAL E HOMENAXE A RAMÓN PIÑEIRO

2009-05-04T19:21:00.007+02:00

O pasado domingo, día 3 de maio de 2009, 40 persoas da A.C. Arumes do Corgo (xunto con algunha persoa da Asociación Val de Láncara e a Asociación de Veciños de Anseán, como entidades colaboradoras), realizaron unha ruta de sendeirismo entre a Antiga casa do concello de Láncara (en Carracedo) e a igrexa parroquial de Anseán.

Á saída realizouse unha ofrenda floral ante o busto de Ramón Piñeiro como homenaxe no ano en que a RAG lle dedica o día das Letras Galegas.

Ao longo dos 11,5 km os camiñantes puideron desfrutar de numerosos elementos patrimoniais que foron oportunamente comentados (ponte de Carracedo, igrexa de Bande, ponte de Lago...).

Ao final da xornada celebrouse un xantar de confraternización na antiga casa rectoral de Anseán (actual sé da Asociación de Veciños de Anseán) na que estaba exposta unha colección etnográfica sobre o liño.

RUTA DE SENDEIRISMO "CARRACEDO-ANSEÁN"

2009-04-27T20:56:00.005+02:00

O vindeiro domingo, día 3 de maio de 2009, a Asociación Cultural Arumes do Corgo vai facer unha ruta de sendeirismo pola variante do camiño francés que sae de Padornelo e chega a Lugo para unir co camiño primitivo de Santiago. Sairemos ás 10:00 h de Carracedo en fronte da antiga casa do concello e faremos unha ofrenda floral ao busto do homenaxeado no día das letras galegas 2009, D. Ramón Piñeiro. O percorrido é o seguinte:

- Carracedo (fronte a antiga casa do concello).
- Bande.
- Lago.
- Marei.
- Anseán (na antiga rectoral).

O percorrido ten unha distancia de 11,5 km, cunha dificultade baixa (non hai desniveis pronunciados) que faremos en 3 horas (tendo en conta algunha parada para admirar o fermoso patrimonio de Láncara-O Corgo). Culminaremos a xornada cun xantar de confraternización na casa rectoral de Anseán (local social dos veciños situado detrás da igrexa) a base de pinchos (empanada, lacón, embutido...).

SE QUERES PARTICIPAR NA RUTA E/OU NO XANTAR CHAMA PARA RESERVAR SITIO AO 626739390 (Mario).

O PUNTO DE ENCONTRO PARA OS QUE FAGAN A RUTA SERÁ NA POBRA DE SAN XIAO, NO CRUCE DA ESTACIÓN E DA ESTRADA DE LÁNCARA-BARALLA ÁS 9:30 H. PARA OS QUE QUEIRAN XANTAR, ENTRE 13:30 E 14:00 H, NA CASA RECTORAL DE ANSEÁN.

1º TRAMO: CARRACEDO-LAGO

2º TRAMO: LAGO-ANSEÁN

EXCURSIÓN AO MAZO DE SANTA COMBA-O COUREL

2009-04-25T17:52:00.004+02:00

O pasado 21 de abril de 2009, 36 socios/as da A.C. Arumes do Corgo participaron no programa "km 0" da Deputación de Lugo que consistiu:

- 9:00 h: Saída do Centro Sociocultural do Corgo.

- 9:45 h: Visita ao Pazo de San Marcos e recepción no salón de plenos.

- 10:30 h: Visita guiada ás instalacións etnográficas do Mazo de Santa Comba (muíño, serradoiro, mazo e pedra de afiar).

- 14:00 h: Xantar na Casa Ferreiro de Seoane do Courel.

- 16:00 h: Ruta de sendeirismo pola Devesa da Rogueira (saída no Alto do Couto e chegada á Aula de Natureza de Moreda).

- 21:30 h: Chegada ao Corgo.

O COUREL (km 0)

2009-04-10T13:41:00.003+02:00

O vindeiro 21 de abril de 2009 a Asociación Cultural Arumes do Corgo vai participar no programa "km 0" da Deputación de Lugo. A viaxe, aberta a todos os socios de Arumes, é completamente gratuíta e consta de:

- Recepción no Pazo da Deputación Provincial de Lugo.
- Visita ao mazo de Santa Comba.
- Xantar no Courel.
- Ruta de sendeirismo pola Devesa da Rogueira.

Sairase ás 9:00 h de en fronte do Centro Sociocultural do Corgo (os que queiran poden saír ás 9:40 h para a Deputación Provincial de Lugo). O regreso ao Corgo está previsto para as 21:00-21:30 h.

Recoméndase levar roupa e calzado cómodo para a ruta (durará arredor de 3 horas).

Se estás interesado en participar chama ao 626739390.

MANIFESTO A PROL DO NOSO IDIOMA

2009-04-10T13:39:00.000+02:00

Ante a situación anómala e de involucionismo na que se ve inmersa a nosa lingua e a manipulación interesada da realidade que dende certos sectores se quere impoñer, a Asocicación ARUMES de O Corgo, en reunión realizada o día 28 de marzo de 2009 coa asistencia de todos os seus socios/as, abaixo asinantes, manifesta:

1.- O pobo galego ten dereito a que a súa lingua propia (orixinaria) sexa oficial a todos os efectos no seu ámbito territorial. Os usuarios do galego deben gozar no seu territorio do mesmo status legal que o castelán ten no seu.

2.- A situación do galego está moi lonxe de ser así. Non gozamos de dereitos lingüísticos plenos para desenvolver a nosa vida diaria con normalidade na nosa lingua na nosa terra. Son os falantes do galego os que resultan discriminados. É o galego o que corre perigo como idioma e os galego falantes os que non son debidamente respectados.

3.- Por iso, resulta realmente preocupante que, con apoio de importantes medios de comunicación, haxa quen pretenda convencer á opinión pública de que o castelán corre perigo de desaparición e que os seus falantes son discriminados no noso país. Esta inversión da realidade ten como obxectivo que os falantes do galego non teñan dereitos lingüísticos e que os únicos deberes para as Administracións públicas se vinculen ao castelán.

4.- O verdadeiro problema non está na cooficialidade de idiomas como o galego, senón na actitude de quen nega a existencia de pobos e linguas diferentes no Estado español. Esta actitude si é a negación da convivencia e da igualdade. O proceso de normalización de usos do galego foi lento e, até hoxe, insuficiente para garantir o dereito a vivir nesta lingua. O que compre é respectar a legalidade vixente (Constitución, Estatuto, Lei de Normalización Lingüística e plan Xeral de Normalización Lingüística) e avanzar con cambios legais na dirección da igualdade e da convivencia.

5.- Correspóndelle ao pobo galego, a través das súas institucións representantivas, e así o fixo xa por unanimidade, definir a política lingüística acorde co criterio de cooficialidade e de lingua propia que mesmo o actual Estatuto recoñece para o noso idioma. Esperamos o compromiso das institucións na defensa da igualdade plena de dereitos para o galego e na aplicación de medidas a favor da normalización dos seus usos. Neste labor contarán sempre co noso apoio.

6.- Alertamos á sociedade galega para non se deixar confundir e instámola a cavilar sobre a verdadeira situación do galego no propio país. Defendemos un dereito humano elemental que nos define, ademais, como pobo diferenciado. Debemos ser firmes rexeitando todo posicionamento que persiga recortar dereitos ou retroceder no cativo camiño andado tanto nas administracións públicas, como na vida social.

En O Corgo a 28 de marzo de 2009.

CLUB DE LECTURA: LIMPEZA DE SANGUE DE RUBÉN RUIBAL

2009-04-10T13:19:00.003+02:00

Na Asemblea Xeral Ordinaria do 28 de marzo aprobouse a creación dun Club de Lectura no seo da Asociación Cultural Arumes do Corgo. A idea inicial do Club é a lectura individualizada, con posterior encontro co autor, cunha periodicidade semestral.

Inauguramos o Club coa lectura da obra "Limpeza de sangue" do autor "Rubén Ruibal" (editorial Xerais). Rubén, socio da Asociación Cultural Arumes do Corgo, recibiu con esa obra o premio Álvaro Cunqueiro no ano 2005 e o Premio Nacional de Literatura Dramática no 2007.

O encontro co autor (aberto a todos os públicos) realizarase en torno ao verán de 2009 e para a lectura da obra as persoas interesadas poden acollerse ás seguintes opcións:

- Servizo de préstamo da biblioteca da Asociación (só para socios).

- Compra do libro a través da Asociación (pódense conseguir descontos ao mercar máis exemplares).

- Compra do libro de forma individual.

Se estás interesado en participar no Club de Lectura ponte en contacto coa Asociación:

- Correo-e: arumescorgo@gmail.com

- Teléfonos: 699170169, 616796467 e 669675756.

FUNDACIÓN DO CENTRO DE ESTUDOS DO CORGO

2009-04-10T13:04:00.004+02:00

O pasado 28 de marzo de 2009 un grupo de persoas inquedas deciden crer unha asociación cos seguintes datos:

- Nome: Centro de Estudos do Corgo (C.E.C.)

- Data de constitución: sábado, 28 de marzo de 2009

- Correo-e: ocorgo@gmail.com

- Páxina web: http://ocorgo.blogspot.com/

- Teléfono: 699 170 169

- Enderezo: Antigas Escolas do Corgo s/n; C.P. 27.163 O Corgo (Lugo)

Os seus fins son:

a) Promover diferentes estudos (patrimonio natural, material e inmaterial, arte, lingua e literatura, xeografía e historia, economía, sociedade e educación…) sobre o concello do Corgo.

b) A divulgación dos estudos realizados entre os habitantes do concello.

c) A formación dos/as socios/as e dos/as corgueses/as sobre as áreas de estudo a nivel supralocal.

d) A defensa en xeral da cultura e da lingua de Galiza.

Chamaríase Centro de Estudos do Corgo (C.E.C.) e o seu nacemento traería consigo as seguintes actividades:

a) Recompilación de toda a información posíbel sobre o concello do Corgo nun arquivo/biblioteca (en papel e en formato dixital).

b) Publicación dunha revista anual (por escrito) con artigos sobre O Corgo.

c) Publicación dun sitio web con estudos sobre O Corgo.

d) Realización de cursos, xornadas, conferencias sobre as áreas de estudo para os socios e abertas ao público en xeral.

e) Promoción de bolsas de investigación.

Unha asociación sen ánimo de lucro na que os socios non aportan unha cantidade económica en forma de cota senón coñecemento sobre O Corgo arredor dos seguintes eixes de estudo:

1. Patrimonio natural

· Flora

· Fauna

· Ecosistemas

. Medioambiente

2. Patrimonio material

· Pontes

· Sartegos

· Cruceiros e petos de ánimas

· Pombais

· Muíños e caneiros

· Casas senlleiras e pazos

· Igrexas e capelas

· Castros e mámoas

· Camiños e vías

· Fontes e lavadoiros

· Conxuntos etnográficos

3. Patrimonio inmaterial

· Lendas

· Contos

· Festas

4. Arte

· Artistas e arte (ceramistas, escultores...)

· Oficios tradicionais (ferreiros, oleiros, teceláns, cesteiros...)

5. Lingua e literatura

· O galego do Corgo

· Escritores

· O Corgo na literatura

· Toponimia e microtoponimia

6. Xeografía e historia

· Montes, vales, ríos...

· Xeoloxía

· Historia

· Clima

7. Economía

· Agricultura

· Gandaría (feiras...)

· O monte

· Industria

8. Sociedade e educación

· Paro

· Estrutra familiar

· Poboación

· Educación

· Teleclubs...

ASEMBLEA XERAL ORDINARIA

2009-04-10T13:01:00.003+02:00

O pasado sábado, 28 de marzo, ás 19:15 h, celebrouse a Asemblea Xeral Ordinaria da Asociación Cultural Arumes do Corgo na antiga escola de Gomeán, coa seguinte

ORDE DO DÍA:

1. Lectura das actas das asembleas anteriores e aprobación, se procede.
2. Memoria de actividades da Asociación no último ano.
3. Informe da tesoureira e aprobación das contas do ano 2008.
4. Orzamento para o ano 2009.
5. Proposta, aberta, de actividades para o ano 2009.
6. Fundación do Centro de Estudos do Corgo (C.E.C.).
7. Manifesto en prol da lingua galega e adhesións varias.
8. Establecemento dunha cota familiar.
9. Altas e baixas de socios/as.
10. Comunicados, rogos e preguntas.

RESUMO DAS ÚLTIMAS ACTIVIDADES

2009-04-10T12:21:00.005+02:00

A Asociación Cultural Arumes do Corgo celebrou no mes de febreiro o entroido cun cocido de confraternización o luns, 23 de febreiro de 2009, no restaurante "Playa" de Gomeán. Despois decidimos "correr o entroido" por varias das aldeas do Corgo: Alfonxe, Adai, Pedrafita...

Xa en semana santa, o mércores, 8 de abril de 2009 ás 18:00 h no Centro Sociocultural Fundación Caixa Galicia de Lugo realizamos unha visita guiada pola exposición Miradas: Galicia ata 1975. Foi un percorrido pola historia de Galicia a través dos autores que a retrataron: Villamil, Murguía, Lugrís, Picasso, Castelao ou Laxeiro, entre outros.

ASOCIACIÓN TERRAS DE LUGO

2009-01-17T14:23:00.002+01:00

A Asociación Cultural Arumes do Corgo foi unha das promotoras da Asociación Terras de Lugo que xestionará os fondos LEADER na comarca de Lugo até finais do 2013. De feito o secretario de Arumes (Mario Otero Iglesias) ocupa o posto de presidente na Xunta Directiva de Terras de Lugo.

Neste intre Terras de Lugo xa é oficialmente o xestor dos fondos LEADER por resolución de AGADER e o vindeiro mércores (21 de xaneiro) asinarase o convenio. Así que como toda asociación desta embergadura procederase inmediatamente á contratación do equipo xestor (que inicialmente consta dun coordinador técnico e dun administrativo).

No seguinte enlace tes as bases de selección de persoal (aprobadas na Xunta Directiva de Terras de Lugo o pasado 14 de xaneiro) e toda a información relacionada co proceso (impresos, convocatorias...):

http://terrasdelugo.blogspot.com

GABRIELE BASILICO "INTERCITY"

2009-01-15T13:32:00.003+01:00

Gabriele Basilico (Milán, 1944) leva trinta anos fotografando a arquitectura ou, máis concretamente, a paisaxe urbana. De formación arquitecto, sinte especial atracción polas marxes, as periferias, as denominadas “zonas fronteirizas”. Tanto nos seus proxectos persoais como nos de encarga, a súa investigación centrouse en dar conta da continua transformación da imaxe da cidade. “Gabriele Basilico. Intercity”, a escolma que podemos ver o vindeiro venres, 23 de xaneiro de 2009 ás 19:30 h no Centro Sociocultural Fundación Caixa Galicia de Lugo, amosa a devoción do fotógrafo italiano.

II CERTAME LITERARIO TERRAS DE CHAMOSO

2008-12-15T10:56:00.004+01:00

ENTREGA DE PREMIOS

DATA: 26 de decembro de 2008
LUGAR: Centro sociocultural do Corgo
HORARIO: ás 21:00 h

PROGRAMA:

ACTUACIÓN DA A.C. LEGUA DEREITA
ENTREGA DE PREMIOS
RECITAL DE POESÍAS GAÑADORAS
ESPECTÁCULO DE REGUEIFAS A CARGO DE LUÍS “O CARUNCHO”, BENITO E JOSIÑO.

FELIZ ANINOVO!

2008-12-15T10:52:00.001+01:00

Exposición de Fotografías Etnográficas

2008-11-30T16:02:00.009+01:00

A TERRA E OS HOMES

Walter Ebeling

DATAS: 6, 7 e 8 de decembro de 2008
LUGAR: Centro Sociocultural do Corgo
HORARIO: das 11:00 ás 14:00 h e das 17:00 ás 20:00 h

II Xornadas de Oficios Artesanais

2008-11-30T15:48:00.006+01:00

A CESTERÍA

DATAS: 6, 7 e 8 de decembro de 2008
LUGAR: Centro Sociocultural do Corgo
HORARIO: das 11:00 ás 14:00 h e das 17:00 ás 20:00 h

DEMOSTRACIÓN DE CESTERÍA

IDOIA CUESTA (sábado todo o día).
MANOLO DE VILABOA (domingo pola tarde).
CASA DO SILLEIRO (domingo pola tarde).

EXPOSICIÓN PERMANENTE DE CESTERÍA

Excursión polo corazón dos Ancares

2008-11-08T13:13:00.001+01:00

DOMINGO, 16 DE NOVEMBRO DE 2008

PROGRAMA

8:00 h Saída do aparcadoiro da Área de Servizo “Gomeán Express”.
8:45 h Visita ás Pontes de Gatín: muíño e ponte medieval.
9:30 h Visita ao castelo de Doiras.
11:00 h Visita á igrexa de Donís, a “catedral dos Ancares”.
11:30 h Chegada a Piornedo para realizar unha ruta de sendeirismo polas proximidades: Chao das Penas, Agulleiro… (dificultade media).
15:00 h Xantar nun restaurante de Piornedo.
17:00 h Visita guiada á Palloza Museo “Casa do Sesto” e proxección de dous audiovisuais relacionados coas visitas da mañá.
18:30 h Regreso por Navia de Suarna (con parada “optativa” na vila).

Chegada ao Corgo entre as 20:00 h e as 21:00 h.

Para máis información e para apuntarse chamar ao 626 73 93 90.

II Certame Literario "Terras de Chamoso"

2008-10-18T12:01:00.004+02:00

Por segundo ano consecutivo a Asociación Cultural Arumes do Corgo, coa colaboración da Área de Cultura da Deputación de Lugo, quere premiar a todos as/os autoras/es que expresan no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego.

As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos)
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: Asociación Cultural Arumes. Guimarás 12, 27.163 O Corgo (Lugo).
5. Prazo: o prazo de entrega rematará o día 5 de decembro de 2008.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o venres, día 26 de decembro de 2008 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario chamar ao número de teléfono: 626739390.

ANIMÁDEVOS A PARTICIPAR, A NOSA LINGUA BEN MERECE UN ESFORZO!

Campaña de captación de socios

2008-09-05T00:33:00.005+02:00

Nos tres anos de vida da Asociación, os promotores da mesma realizaron dende sempre actividades abertas a todos os públicos (fundamentalmente veciños do concello do Corgo e da contorna). Despois desta andaina (cinema, maxia, patrimonio, lingua e literatura, natureza...), é hora de formalizar relacións e apoiar dende dentro a Asociación para que siga medrando na calidade e na cantidade de actividades (abertas ou nas que os socios teñan certas vantaxes).

Os menores de 18 anos (socios xuvenís) teñen unha cota anual de 5 €, mentres que os demais socios numerarios teñen unha cota anual de 10 € (por domiciliación bancaria). Así que apoia a Arumes asociandote e participando no deseño e na realización de actividades.

Baixar boletín de inscrición.

III Xornadas sobre patrimonio

2008-09-01T18:46:00.014+02:00

A riqueza fluvial nas Terras de Chamoso

A Asociación Cultural Arumes do Corgo convídate a participar nas "III Xornadas sobre patrimonio", que nesta terceira edición se centran no patrimonio natural e en concreto na "Riqueza Fluvial das Terras de Chamoso".

Este evento que todos os anos reúne á xente interesada no patrimonio do concello do Corgo e da contorna, celebrarase os días 13 e 14 de setembro cun programa do máis variado. As rutas de sendeirismo e os relatorios temáticos, xúntanse este ano con actividades de lecer (música e baile tradicional, xogos populares e contacontos), con visitas guiadas e táboas redondas.

Ver o programa de actividades

Como chegar ás actividades (mapas)

A maiores editarase un libriño (arredor de 1000 exemplares) sobre a Riqueza fluvial das Terras de Chamoso, que recolle, ademais de información xeral sobre o tema, todo o patrimonio a destacar nas proximidades das dúas rutas de sendeirismo que se realizarán nas xornadas.

Quen somos?

2008-09-01T18:36:00.001+02:00

FICHA TÉCNICA

DATA FUNDACIONAL: 7 de outubro de 2005
TELÉFONO: 626 73 93 90
CORREO-E: arumescorgo@gmail.com
PÁXINA WEB: http://arumescorgo.blogspot.com/

QUEN SOMOS?

A Asociación Cultural Arumes do Corgo é un colectivo con tres anos de actividade preocupado pola cultura do país e centrado no territorio de actuación que é o Concello do Corgo e arredores. Patrimonio, natureza, literatura, etnografía, lecer... son campos nos que levamos traballado ata o de agora coa axuda das institucións públicas e a colaboración con varias asociacións da comarca.

QUE FIXEMOS?

2005

Xornadas de maxia e cinema (Nadal).

2006

Contacontos: Fátima (Semana Santa).
Ruta do Camiño Real (Semana Santa e verán).
II Xornadas de cinema (verán).
I Xornadas sobre patriomonio: “a Vía romana XIX-XX” (setembro).

2007

III Xornadas de cinema (verán).
II xornadas sobre patrimonio: “O Corgo na ruta xacobea” (setembro).
Catalogación dos sartegos do Corgo (setembro).
I Certame Literario “Terras de Chamoso” (Nadal).

2008

I Xornadas de oficios artesanais: “O tecido” (Semana Santa).
Cen anos de Himno, en colaboración coa A.C. Legua dereita (Maio).
Ruta Albardeiro-Adai, en colaboración coa A.C. Amigos do Patrimonio de Castroverde (Maio).

QUE FAREMOS?

Antes de final de ano (pero sen data definida) queremos levar a cabo as seguintes actividades:

III Xornadas sobre patrimonio: “A riqueza fluvial nas Terras de Chamoso”.
II Certame Literario “Terras de Chamoso”.
II Xornadas de oficios artesanais: “A cestería”.
Excursións.