miércoles, 23 de octubre de 2013

VII CERTAME LITERARIO "TERRAS DE CHAMOSO"

Por sétimo ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autores que expresen no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego. As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos).
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.

4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo) ou ao e-mail: arumescorgo@gmail.com Deberán enviarse no mesmo correo electrónico dous arquivos en formato PDF, un co contido da obra e outro onde constará o lema que distinga o traballo, no que constará, no seu interior o nome apelido do autor/a, domicilio, teléfono, poboación de residencia. Este segundo arquivo, será custodiado pola xunta directiva da Asociación Cultural Arumes, entregando únicamente  ao xurado a obra e o lema da mesma.
5. Prazo: o prazo de entrega rematará o día 15 de novembro de 2013.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 21 de decembro de 2013 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario enviar un correo a arumescorgo@gmail.com.


DÍPTICO COAS BASES PARA IMPRIMIR

domingo, 20 de octubre de 2013

RESULTADOS DA V CARREIRA POPULAR "ARUMES DO CORGO"

CARLOS VILLAMOR IMPONSE NA V CARREIRA POPULAR ARUMES DO CORGO 
Pena Holguín e Juan Antonio Gude completaron o podio dunha cita asentada no calendario de carreiras populares lucenses e galegas
 
A proba contou con máis de 300 participantes de todas as idades, desde nenos e nenas de 3 anos a veteranos
 

O delegado de Cultura e Turismo da Deputación, o nacionalista Mario Outeiro, participou esta mañá na entrega de premios da V Carreira Popular “Arumes do Corgo”, que organiza a asociación homónima, e na que participaron máis de 300 deportistas de todas as idades, desde nenos e nenas de 3 anos ata veteranos. O gañador da proba absoluta foi Carlos Villamor, que entrou na meta cun tempo de 16:36, seguido de Juan Pena Holguín e Juan Antonio Gude Vila. Na categoría feminina a vencedora foi a corredora de Bóveda Luísa González Somoza, que entrou na meta seguida de preto por Raquel Suárez Pedrosa, ambas moi distanciadas, con máis de 3 minutos, de Ana Abuín.
 
 
A V Carreira Popular Arumes do Corgo estivo organizada pola propia asociación coa colaboración da Federación Galega de Atletismo e o apoio económico da Vicepresidencia da Deputación de Lugo.
 

É unha carreira totalmente consolidada no calendario de atletismo a nivel galego; así o demostra o alto grado de participación acadado nesta edición, na que participaron máis de 300 corredores. Todo isto é debido a un gran traballo a nivel organizativo dos membros de Arumes do Corgo, e grazas á colaboración económica tanto do concello do Corgo, como da Vicepresidencia da Deputación de Lugo, así como o apoio técnico da Federación Galega de Atletismo.

Na carreira déronse todos os premios por categorías con trofeo, unha camiseta para os 150 primeiros participantes da xeral e para todas as categorías inferiores, e premios en metálico para a clasificación xeral individual, tanto para homes como para mulleres.
 

martes, 8 de octubre de 2013

V CARREIRA POPULAR "ARUMES DO CORGO"

Despois do éxito das catro primeiras edicións, o 20 de outubro de 2013 (domingo) celebrarase pola mañá, no concello do Corgo (en fronte do CEIP do Corgo) a quinta carreira popular pedestre "ARUMES DO CORGO".
- Limiar
- Presentación da carreira

viernes, 6 de septiembre de 2013

Entrega de obras para o VII Certame Literario “ Terras de Chamoso”

Dende a A.C. Arumes do Corgo queremos lembrar que o 15 de novembro remata o prazo para entregar as obras para o VII Certame Literario “ Terras de Chamoso”, en calquera das súas categorías ( infantil, xuvenil, e adultos) e modalidades (poesía e relato curto). Este ano os traballos poden enviarse por email á dirección: arumescorgo@gmail.com ou por correo ordinario a: Asociación Cultural Arumes do Corgo. Casa das Asociacións s/n. 27163 O Corgo (Lugo)

Agardamos contar coa vosa participación!

sábado, 6 de julio de 2013

ACTIVIDADES DA A.C. ARUMES DO CORGO

- Xornadas Técnicas Hortofamiliares: Sábado 6 de xullo.

Horario: de 10- 14 h. clase teórica na Casa das Asociacións do Corgo (Antigas escolas). De 16- 20 h. clases teoricas-prácticas.

Número máximo de asistentes: 25

Prazo para apuntarse: Do 23 de xuño ó 1 de xullo (por orden de inscripción ata que se cubran as prazas).


- Camiño de Santiago (Norte): 6ª Etapa: Baamonde- Braña. – Domingo 7 de xullo

Distancia: 19,2 km (aproximadamente).

Hora de saída: 8:00 da mañá (de detrás do concello).

Prezo: 10€ (cada persoa levara se quere bocata e bebida). Non socios: 12€


- Exposición e demostración de cómo se traballa o liño a cargo de membros da Asociación de mulleres de San Bartolomeu de Insua (Vilalba).

Sábado 13 de xullo

Lugar: Centro Sociocultural do Corgo

Horario: Mañá de 11 a 2 h.

Tarde: 4-8 h.


- I Xuntanza de verán dos socios e familiares da A.C. Arumes: Domingo 21 de xullo

Lugar: Carballeira do San Bernabé (Castrillón)

Cada socio que queira participar, terá que poñerse en contacto cos socios organizadores, para indicar: nº de persoas que vai levar a xuntanza, mais a comida ou bebida que vai aportar.

Prazo máximo para apuntarse: 16 de xullo

- Presentación da revista Corga nº 4 na Galeria Sargadelos.

- Excursión a Astorga-Castrillo de los Polvazares: Sábado 28 de setembro.

Prazo máximo para apuntarse e pagar: 16 de setembro

Un numeroso grupo de socios realizou unha excursión polo cañón do Sil no tren turístico “Aba Sacra” o domingo 30 de xuño. A actividade consistiu en saír en tren dende Doade, para despois visitaren o Val da Lenda, un Mirador sobre o cañón do Sil, a Vía romana Appia, a adega “Regina Viarum” , e a Reitoral de Gundivós, onde agardaba a explicación de cómo se fai esta cerámica única en Europa. Os socios participantes tamén disfrutaron dunha viaxe en catamarán, dende o que contemplar as paisaxes. A última hora da tarde e xa para rematar, realizouse unha visita á vila de Castro Caldelas, na provincia de Ourense.

miércoles, 1 de mayo de 2013

ACTIVIDADES A.C. ARUMES DO CORGO

Nas vindeiras datas a A.C. Arumes do Corgo organiza as seguintes actividades:

- Revista Corga: Está aberto o prazo de entrega de traballos para o número 4 da revista Corga, e remata o 30 de abril. Os criterios de publicación están expostos no Regulamento de Réxime Interno ( e resumidos nas Normas de publicación) que poderá atopar no blog do Centro de Estudos do Corgo: http://ocorgo.blogspot.com .

- Viaxe gastronómica: Feira do viño do Ribeiro-Ribadavia (Ourense). Sábado 4 de maio.
Prezo: 20€ socios. Se quedan prazas 25€ non socios
Hora de saída: 8:30 da mañá de detrás do concello
Prazo máximo para apuntarse e pagar: 29 de abril

- Camiño de Santiago (Norte): 2ª Etapa: Villamartín Pequeno- Mondoñedo. Venres 17 de maio:
Distancia: 20 km (aproximadamente).
Hora de saída: 8:00 da mañá (de detrás do concello).
Prezo: 10€ (cada persoa levará se quere bocata e bebida). Non socios: 12€

- Camiño de Santiago (Norte): 3ª Etapa: Mondoñedo- Abadín. Domingo 19 de maio:
Distancia: 17 km (aproximadamente).
Hora de saída: 8:00 da mañá (de detrás do concello).
Prezo: 10€ (cada persoa levará se quere bocata e bebida). Non socios: 12€

- VI encontro de Asociacións Culturais Galegas. Sábado 25 Maio. Nesta ocasión a asociación encargada da organización é A.C. Redes-Camouco do Ferrol. Programa. Un roteiro en lancha pola ría de Ferrol. Unha vez que remate a viaxe polo mar haberá un pequeno refrixerio no peirao de Mugardos. Despois un percorrido a pé duns doce quilómetros. O xantar no Mosteiro de Sta Catalina ou fóra se fai bo tempo. Visita guiada ao mosteiro.
Hora de saída: 8:00 h. da gasolineira de Gomeán
Prazo máximo para apuntarse: 5 de maio
Prezo: (sen confirmar aínda pola Asociación de Ferrol.- aproximadamente 30-35€ (lancha comida e autobús).

Compartimos dende aquí algunhas imaxes dos participantes nas actividades realizadas recentemente polos socios e socias da A.C. Arumes do Corgo.

- Excursión á mostra do encaixe de Camariñas:



- Excursión a Burgos-Palencia:



- Ruta ao Caxigal:



Agardamos que as actividades realizadas fosen do voso agrado e que contemos coa vosa participación nas vindeiras.

martes, 2 de abril de 2013

NOVAS ACTIVIDADES DA A.C. ARUMES DO CORGO

Ruta de sendeirismo: Sobrado-Caxigal-Franqueán: Domingo 21 de abril

Distancia circuíto: 12 km.

Hora de saída: ás 9 e 1/2 da mañá de Sobrado (campo da feira).

Percorrido: Comenzamos en Sobrado do Picato, polos limites dos concellos de Baralla, Castroverde e o Corgo, Caxigal (punto máis alto do noso concello), Férveda e Franqueán.

Dispoñemos dun local habilitado en Franqueán para poder comer o “bocata” (para aquelas persoas que o consideren, e pola súa conta).



Camiño de Santiago (Norte): 1ª Etapa: Ribadeo: Sábado 27 de abril

Distancia: 20 km (aproximadamente).

Hora de saída: 8 da mañá (de detrás do concello).

Prezo: 10€ (cada persoa levara se quere bocata e bebida).

Prazo máximo para apuntarse e pagar: 21 de abril.



Revista Corga: Está aberto o prazo de entrega de traballos para o número 4 da revista Corga, e remata o 30 de abril. Os criterios de publicación están expostos no Regulamento de Réxime Interno ( e resumidos nas Normas de publicación) que poderá atopar no blog do Centro de Estudos do Corgo: http://ocorgo.blogspot.com .


Viaxe gastronómica: Feira do viño do Ribeiro-Ribadavia (Ourense). Sábado 4 de maio

Prezo: 20€ socios. Se quedan prazas 25€ non socios

Hora de saída: 8 e ½ da mañá de detrás do concello

Prazo máximo para apuntarse e pagar: 26 de abril

Agardamos contar coa vosa participación.

jueves, 7 de marzo de 2013

PRÓXIMAS ACTIVIDADES DA A.C. ARUMES DO CORGO

- Club de lectura. O autor escollido para esta ocasión é: Xosé Manuel Carballo Ferreiro. Libro: Don Otto de viaxe pola Chaira. O encontro co autor será mañá venres 8 de Marzo, ás 8 da tarde, na casa das Asociacións do Corgo, no edificio de Correos.


- Excursión a Burgos e Palencia. Sábado e Domingo (23 e 24 de marzo)

Prezo: 105€ socios (inclúe: autobús, comida, cea e aloxamento do sábado, almorzo e comida do domingo, guía, e seguro de viaxe. Non inclúe entradas aos monumentos) - 110€ non socios (sempre que queden vacantes).

Prazo máximo para apuntarse e pagar: 12 de marzo.

(Só se realizará esta excursión se acadamos un mínimo de 40 persoas).


- Ruta de sendeirismo: Sobrado-Caxigal-Franqueán: Domingo 21 de abril.

Distancia circuíto: 12 km.

Percorrido: Comenzamos en Sobrado do Picato, polos limites dos concellos de Baralla, Castroverde e o Corgo, Caxigal ( punto máis alto do noso concello), Férveda e Franqueán.

Dispoñemos dun local habilitado en Franqueán para poder petiscar (para aquelas persoas que o consideren pola súa conta).

Agardamos a vosa participación.

miércoles, 6 de febrero de 2013

GAÑADORES DO VI CERTAME LITERARIO TERRAS DE CHAMOSO

O pasado 22 de Decembro tivo lugar no centro sociocultural do Corgo a entrega de premios do VI Certame Literario Terras de Chamoso. Como vén sendo habitual, abriu musicalmente o acto a Asociación Cultural A Legua Dereita do Corgo, que nos amosou un petisco do seu repertorio de música tradicional galega.

Unha vez rematada a súa actuación, procedeuse á entrega de premios aos gañadores desta edición do certame, elixidos por un xurado composto este ano por D. Xurxo Xosé Rodríguez Lozano, D. Xosé Manuel Castro Castedo, D. Xan Ramiro Cuba Rodriguez, Dna. Mª do Pilar Campo Dominguez e Dna. Mª Esperanza Fernández Camiña. Vaia dende aquí o noso agradecemento para eles pola súa colaboración. Os agasallados foron os seguintes:

CATEGORÍA: INFANTIL
Modalidade: poesía
1º premio: Lara Domínguez Chantres de Baleira, pola obra “As nubes máxicas”.
2º premio: Carla Castedo Pereira, de Francelos- Barredo ( Castroverde), pola obra “O outono”.
Modalidade: relato
1º premio: Alicia García Cabaleiro, de Laxes (O Corgo), pola obra “Linda: A tola feliz .
2º premio: Catarina Castro Sas, de Lugo, pola obra “A viaxe de Monshair”.
CATEGORÍA: XUVENIL
Modalidade: poesía
1º premio: Deserto.
2º premio: Cristina Pernas Pereiro, de Paradela (O Corgo), pola obra “A mentira do amor sen verdade”.
Modalidade: relato
1º premio: Lucia González Campos, de Montecubeiro (Castroverde) pola obra “A voz da vinganza”.
2º premio: Patricia Fulias Guzmán, de San Paio Castroverde, pola obra “Contando estrelas entre catro paredes”.
CATEGORÍA: ADULTOS
Modalidade: poesía
1º premio: Javier Rodríguez González, de Ourense, pola obra “Homenaxe”.
2º premio: Eva de la Torre Conde, de Lugo, pola obra “Nadas de nobre estirpe”
Modalidade: relato
1º premio: Marcelino Sisto Deibe, de Ferrol, pola obra “ Mariñeira”
2º premio:Tito Pérez Pérez, de A Coruña, pola obra “O Conto do esquío e da martaraña”

Unha vez recollidos os seus premios, que constaban dun lote de libros e unha peza de cerámica realizada polo pretixioso ceramista corgués Manuel Fernández, Lolo de Anseán, os gañadores da categoría poesía recitaron as súas obras para todos os asistentes.

Xa para rematar o acto, contamos coa presenza da contacontos Isabel Risco, á que podemos ver na fotografía durante o seu espectáculo.