Ruta circular por Manán

O domingo 13 de maio, un grupo de membros da A.C. Arumes do Corgo realizaron unha ruta circular polo entorno dunha das parroquias do noso concello, a parroquia de Manán.

 O percorrido, de aproximadamente uns 8-9 Km, comezou ás 9 da mañá en San Cosme de Manán, e dende alí continuou por Hospital, A Chantada, Santa Mariña (onde se visitaron os sartegos que se atopan neste lugar), Mazo de Santa Comba, Lousado, Placer, Campa e Castro de Manán.

Unha vez finalizado o percorrido, visitouse a fragua do ferreiro de Manán, que realizou unha demostración de cómo se traballa o ferro.

Próximas actividades da A.C. Arumes do Corgo

Nos próximos días a A.C. Arumes do Corgo ten previsto realizar as seguintes actividades:

    Ruta circular por Manán. Domingo, 13 de maio. Distancia circuíto: 8-9 km.

    Hora de saída: ás 9 da mañá de San Cosme de Manán (aparcadoiros na praza e na entrada de Manán). Accesos: Dende a estrada C-546 (Lugo-Sarria) indicador "San Cosme de Manán".

    Percorrido: San Cosme de Manán-Hospital-A Chantada-Santa Mariña (visita  aos sartegos)-Mazo de Santa Comba-Lousado-Placer-Campa-Castro de Manán. O final do percorrido visitaremos a fragua do ferreiro de Manán que nos fará unha demostración de cómo se traballa o ferro.

    Dispoñemos dun local habilitado en Manán para poder comer o “bocata” (para aquelas persoas que o consideren e pola súa conta). A organización convida a viño e licores.

    Excursión dun día: Padrón/Pazo de Oca. Domingo, 20 de maio. Prazo máximo para inscribirse: domingo 13 de maio. Custo 36 € (inclúe autobús, comida e entradas). Só se realizará esta excursión se acadamos un mínimo de 45 persoas.

    Programa: Padrón: visita do Xardín Botánico, Santiaguiño “O pedron”, visita á casa museo de Rosalía de Castro (entrada incluída). Comida. Visita aos xardíns do Pazo de Oca (entrada incluída).

    Club de lectura. O encontro co autor será o día venres, 25 maio, ás 20:30 h na Casa das Asociacións (antigas escolas do Corgo). O autor escollido para esta ocasión é Isidro Novo, co libro "Cabalo do demo e outros invertebrados". Os socios interesados poden adquirilo eles mesmos nas librarías, encargalos mediante a asociación ou pedilos prestados da biblioteca da asociación.

    Encontro de asociacións. Día: Sábado, 26 de maio. O prazo de inscrición será ata o domingo, 13 de maio. Nesta ocasión a asociación encargada da organización é  A.C. de  Amigos do Patrimonio de Castroverde.

    Feira do viño de Barrantes. Día 2 ou 3 de xuño (estamos pendentes de que publiquen o programa da  festa).

    Ruta circular por Franqueán. Día: Domingo, 17 de xuño. Distancia circuito: 10-11 km. Hora de saída: ás 9 da mañá xunto ao local social de Franqueán. Accesos: dende a autovía A6 saída "Corgo-Castroverde" ou dende a N-VI, indicador: Franqueán.

    Percorrido: Franqueán-Muíño de Lucas-Monte de Silva-Fonte do Monte-Folgosa-Piñeiro (parada no pazo)-Reboredo-Vilacorbe-Férveda ou Cérvora (medorras)- Franqueán.
    A organización dispón dun local habilitado (local social de Franqueán), para aquelas persoas que queiran e pola súa conta poidan facer o abituallamento con tranquilidade ao final da ruta. A organización convida a viño e licores.

    Ruta polas Fraguas do Eume. Domingo, 8 de xullo. O prazo de inscrición será ata o domingo, 1 de xullo. Cada quen terá que levar a súa propia comida e bebida, porque xantaremos dentro da fraga.

    Excursión Km0.  Mércores, 18 de xullo. Prazo máximo para inscribirse: domingo 1 de xullo. Lembrade que no momento de inscribirse tedes que pagar o importe da excursión que será de 5 ou 8 € dependendo do número de persoas que se apunten á excursión.

    Programa: visita complementaria ás ”Insuas do Miño en Rábade”, cun percorrido a pé (hai que levar roupa e calzado cómodo) e como itinerario provincial “Viveiro Histórico”.

    Actuación do grupo de teatro “Nova Escena”: Sábado, 29 de setembro ás 8 da tarde no Centro Sociocultural do Corgo.

    Actuación do grupo “Teatro Hospital de Lugo”: Sábado, 10 de novembro ás 8 da tarde no Centro Sociocultural do Corgo.

Anímate. Gustaríanos contar coa túa presenza nas actividades.

Gañadores da III Carreira popular Arumes do Corgo

O día 22 de outubro de 2011 tivo lugar a celebración da terceira edición da Carreira Popular Arumes do Corgo. A carreira contou cun grande número de participantes, ao igual que anteriores edicións, o que converteu nun novo éxito de participación. Gustavo Platas resultou vencedor, que entrou en solitario e con ampla vantaxe na meta instalada ao carón do CEIP do Corgo, seguido de Juan Pena Holguín e José Manuel Corral López, na categoría xeral absoluta. Na categoría feminina, a primeira foi Águeda Blanco Pérez, que entrou antes de María Hurtado Sanjurjo, e Iria Castro Rodríguez, que foi 3ª no posto feminino absoluto e tamén 1ª en promesas.


Os resultados de todas as categorías foron os seguintes:

Júnior masculina:

1ºIván Armesto Fdez
2º Ricardo Fdez García

Júnior feminina:
1ª Mar López Rodríguez

Promesa masculina:
1º Marcos Oro Vence
2º Constantin Dragomir

Promesa feminina:
1ª Iria Castro

Sénior masculina:
1º Gustavo Platas
2º Juan Pena Holguín
3º Fernando Pérez Fernández

Sénior feminina:
1ª Águeda Blanco Pérez
2ª María Hurtado
3ª Luísa González Somoza

Veteranos 1:
 1º José Manuel Corral
 2º José Manuel Teijeiro Vila
 3º José Luís Valiña Méndez

Veteranas 1:
1ª María Elva Méndez
2ª Sonia Vázquez Rodríguez
3ª Enma Iglesias Penelas

Veteranos 2:
1º Tito Gallego Moure
2º Juan José Casanova Vázquez
3º Gerardo Pérez Lenza

Veteranas 2:
1º Teresa Corral Marcos
2ª Ana María Ferradás Barrera
3ª María Xesús Adán López

Veteranos 3:
1º Javier Toro Montero
2º Manuel Vigo Mourullo
3º José Manuel Caramés

Dende a A.C. Arumes do Corgo damos a noraboa aos gañadores e agradecemos a participación de tódolos atletas nesta xornada deportiva. Agardamos contar coa súa presenza en vindeiras edicións.

Excursión a Salamanca e Zamora

Os días 24 e 25 de marzo un grupo de socios da A. C. Arumes do Corgo realizou unha viaxe cultural polas cidades de Alba de Tormes, Salamanca, Ciudad Rodrigo e Zamora.

Na primeira das xornadas os participantes visitaron Alba de Tormes durante a mañá, achegándose despois de xantar á cidade de Salamanca, declarada Patrimonio da Humanidade, e disfrutaron de todo o seu conxunto monumental, destacando a Praza Maior de estilo barroco, o conxunto catedralicio e a Universidade.

Logo de pasar a noite, os socios desprazáronse ata Ciudad Rodrigo, cidade medieval amurallada. Pola tarde, continuaron ata a cidade de Zamora, onde disfrutaron dunha panorámica do río Douro e dunha visita pola localidade. Ao rematar a tarde, os participantes volveron ao Corgo despois de disfrutar de dúas xornadas de lecer.

III CARREIRA POPULAR "ARUMES DO CORGO"

Despois do éxito das dúas primeiras edicións, o 22 de outubro de 2011 (sábado) celebrarase pola tarde, no concello do Corgo (en fronte do CEIP do Corgo) a terceira carreira popular pedestre "ARUMES DO CORGO".


- Limiar

- Servizos para os participantes

- Categorías

- Circuítos

- Premios

- Inscrición:

• boletín de inscrición
• inscricion vía web (categorías inferiores)
  
• inscrición vía web (carreira absoluta)

- Normas para os participantes

- Divulgación:

• tríptico

V CERTAME LITERARIO "TERRAS DE CHAMOSO"

Por quinto ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autores que expresen no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego. As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
- CATEGORÍA INFANTIL (dos 10 aos 14 anos).
- CATEGORÍA XUVENIL (dos 14 aos 18 anos).
- CATEGORÍA ADULTOS (maiores de 18 anos).
3. Modalidades:
- POESÍA (de 30 a 60 versos).
- RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo).
5. Prazo: o prazo de entrega rematará o día 23 de novembro de 2011.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 17 de decembro de 2011 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Para calquera dúbida relacionada co certame literario chamar ao número de teléfono: 626739390.

NON TE RETIRES, VOLTA A XOGAR

O programa "Non te retires, volta a xogar", está pensado para que as persoas da terceira idade do Corgo manteñan unha boa condición física. Está organizado pola Vicepresidencia Primeira da deputación de Lugo e a Fundación Balogal coa colaboración da Asociación Cultural Arumes do Corgo.

Dende a A.C. Arumes do Corgo dámoslle unha importancia máxima aos nosos maiores. Encontrámonos cunha sociedade onde cada vez a esperanza de vida e maior e polo tanto este grupo de poboación medra ano a ano. Cun prantexamento inicial de dúas sesións semanais, dunha hora cada unha, buscaremos a mellora na calidade de vida dos participantes, a través de incidir nalgunhas das capacidades condicionais básicas:

- Flexibilidade: desglosada en mobilidade articular e elasticidade.

- Resistencia: non entendida na súa vertente de rendemento, senon nunha mellora da capacidade aeróbica de base, mediante un exercicio de baixa intensidade pero sostido no tempo.

- Forza: de novo pensada e enfocada a mellora da calidade de vida diaria. Un fortalecemento e tonificación da musculatura mais precisa no día a día, así coma a faixa lumbo-abdominal, e sempre deixando unha porta aberta as individualidades.

A maiores destas capacidades condicionais, os exercicios e o mesmo deseño das sesións queren maximizar o traballo cognitivo dos participantes así como a interactuación entre eles. Estes dous apartados son de igual importancia que os anteriores posto que nesta franxa de idade é cando aparecen nunha maior porcentaxe as problemáticas nos apartados cognitivos. Do mesmo xeito, pola distribución espacial dun concello coma o noso, creemos que é positivo favorecer as xuntanzas ao mesmo tempo que se fagan dunha maneira que potencie a intreractuación cos demais.

Os lugares onde se vai a executar o programa son:

- Antiga escola de Adai (non no centro sociocultural).

- Local social de Cela.

Inicialmente partiremos cun grupo en cada lugar (se hai un mínimo número de interesados) pero se a demanda é grande, poderíanse facer varios grupos en cada un dos locais anteriores.

O programa é totalmente gratuíto e durará 6 meses. Para anotarse ou solicitar máis información chamar ao 699170169 (Chelo).