miércoles, 12 de diciembre de 2012

COVA DE VALPORQUERO E CLUB DE LECTURA

O pasado domingo 11 de Novembro, un numeroso grupo de socios da A.C. Arumes do Corgo visitou as veciñas terras leonesas para disfrutar dunha marabilla natural como son as Covas de Valporquero, situadas en Valporquero de Torío, concello de Vegacervera.

A entrada a esta cova sitúase a 1300 metros de altitude, estando esta baixo a localidade que lle dá nome. Conta cun percorrido visitable de 1300 metros de lonxitude ao longo de seis salas que van gañando en complexidade e beleza, contando con diversas formacións xeolóxicas típicas deste tipo de covas.

Xa pola tarde, os membros da A.C. Arumes do Corgo trasladáronse a Vegacervera para asistir á XXII Feira da Cecina de Chivo.


Outra das actividades realizadas recentemente pola A.C. Arumes do Corgo foi unha nova edición do club de lectura, contando desta vez coa presenza da escritora Marica Campo. O 16 de Novembro na Casa das Asociacións do Corgo os socios tiveron a ocasión de compartir conversa coa autora acerca da obra escollida, Confusión e morte de María Balteira, obra na que a narradora do Incio se adentra no mundo das lendas e do imaxinario popular a través de varios relatos.


No hay comentarios: